Izen bera duten Nafarroako bi herrien arteko topaketa eginen dute eta hogei gazte etortzekoak dira Malerrekara Iruñerritik
Nafarroan bi Urroz daudela herrian ttikitatik dakigun zerbait da. Gehienek seguraski ez dugu bertze herria ezagutuko baina jendeak biak nahasi izanagatik entzutea badugu. Horren harira, senidetze besta antolatu da eta 20 gazteko talde bat etortzekoa da gurera.
Goizean, gosaldu ondotik egunari hasiera emateko, herriko haurrek kanta bat dantzatuko dute. Gero, bi herrietako gazteen artean herri-kiroletako desafioa eginen dute eta, irabazlea edozein suertatzen dela ere, elkarrekin bazkalduko dute plazan. Arratsaldean hasita Hauspolariak arituko dira giroa alaitzen, bakoitzak nahi duen arte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!