erran.eus

Doneztebe Futbol Taldearen egun handia larunbat honetan ospatuko dute

  Gizartea  Malerreka  Doneztebe

Egun osoko ekitaldiak herri afariarekin eta dantzaldiarekin borobilduko dituzte

214 neska-mutil ibili dira aurten Doneztebe Futbol Taldean, hamabi taldetan banaturik, eta hilabeteetako lanaren ondotik, ailegatu zaie maletak, botak, kamisetak… ongi garbituta, heldu den denboraldirako gordetzeko tenorea. Baina hori larunbat honetako ospakizunaren ondotik eginen dute, Doneztebe Futbol Taldearen Eguna antolatu baitute, Udalaren eta GazteBurrunba kultur elkartaren laguntzaz.

Doneztebe Futbol Taldearen egun handia larunbat honetan ospatuko dute
Kirola eta besta uztartuko dute aurten ere Doneztebe Futbol Taldekoek bere egunean. | Ikusi handiago | Argazki originala

 

Egitarau zabala prestatu dute larunbaterako: 10:00etan benjamin mailakoen eta ttikien partidak jokatuko dituzte eta  infantilentzat jokoak izanen dira. 11:30ean triangularra  jokatuko dute herriko hiru talderen artean. Arratsaldean, berriz, 17:00etan, Santa Luzia plazan jolasak izanen dira benjamin eta alebinentzat. Gero, merienda eskainiko dute. 19:30ean Santa Luziatik trikipoteoa abiatuko da eta 21:30ean herri afaria eginen dute.Photocall ere paratuko dute eta eguna ongi borobiltzeko, Oharkabe taldearen eskutik dantzaldia izanen da.

Afarirako txartelak ekainaren 14ra bitarte salgai daude Titi eta El Café ostatuetan, 25 eurotan. 

2018/06/16 - 2018/06/17

Malerreka Doneztebe

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa