Bertako ekoizleen produktuak erosteko aukera izanen da Beran larunbatean, hilaren 9an. Beralandetan eginen dute merkatua, eguraldi ona bada kanpoaldean eta txarra bada barrenean, 10:30ean hasi eta 13:30ak arte.
AEKren alde dirua biltzeko asmoz, egun osoko festa izanen dute martxoaren 9an Aranon. Herritar guztiak parte hartu, ongi pasa eta ahal duten moduan beraien ekarpena egitera animatu dituzte. Eguerdian, 12:00etan, eginen duten bigarren eskuko azokarekin hasiko da eguna. Parte hartzeko bi modu izanen dituzte: zerbait erosiz edo bestela azokarako arropa, liburuak... emanez. Mahaiaren bueltan bilduko dira gero, kantu bazkaria izanen dute 14:00etan herriko musikariekin. Bazkaltzera joateko asmoa dutenek Kontsejuan eman beharko dute izena eta eguna bukatzeko, argazki subasta eginen dute 18:00etatik aurrera.
Larunbatean 20:00etan hasiko da Udalbiltzaren Geuretik Sortuak ekimen kulturalaren kari
Igantziko Baratzondo Jubilatu Elkarteak urteko batzarra eginen du martxoaren 9an, larunbatean 20:30ean. Gaien artean junta berritzeko bozketa ere eginen dute. Bertzalde, martxoaren 2an, larunbatean, Arkupe elkarteko Igantzi eta Lesakako 78 bazkidek bazkaria egin zuten Baratzondon, giro ederrean.
Martxoan eginen dute eta izena emateko epea otsailaren 29an bukatuko da. Lesakako Beti Gazte elkarteak joskintza tailerra antolatu du berriz ere, oraingoan martxoaren 4an hasi eta hilabete batez. Kurtso osorako prezioa 5 eurokoa da eta Beti Gazteko bazkideei irekitako ikastaroa da.