Joskintza tailerra antolatu du aurten ere Lesakako Beti Gazte elkarteak

Ttipi-Ttapa 2024ko ots. 21a, 15:00
Lehenagoko ikastaroetako lanak Andra Mari Zahar Etxera eta Irungo Harrera Sarera bideratu dituzte.
  • Martxoan eginen dute eta izena emateko epea otsailaren 29an bukatuko da.
  • Lesakako Beti Gazte elkarteak joskintza tailerra antolatu du berriz ere, oraingoan martxoaren 4an hasi eta hilabete batez. Kurtso osorako prezioa 5 eurokoa da eta Beti Gazteko bazkideei irekitako ikastaroa da.

Astelehenetan 18:00etatik 20:00etara eta asteartetan 10:00etatik 12:00etara edo 18:00etatik 20:00etara eginen dute ikastaroa Beti Gazte elkartearen egoitzan. Apuntatzeko azken eguna otsailaren 29a da eta horretarako 617 21 24 49 telefonora deitu behar da (Amaia), eta orduetako bat aukeratu. Leku mugatuak dira eta bizkor ibili beharko dute interesatuek.

Lehenagoko ikastaroetan egindako lanak Andra Mari Zahar Etxera edo Irungo Harrera Sarera bideratu dituzte, bertzeak bertze.

Gizartea Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun