Lesakako Auzoberri inguruan parke eoliko bat eraikitzeko aurreproiektuaren aurka sortutako Endara Bizirik elkarteak jaso duen babesa eskertzeko agerraldi bat eginen du. Heldu den ortziralean, irailaren 4an, 19:00etan dute hitzordua, plaza zaharrean. Agerraldiaren aitzinetik Endara Bizirik kamisetak eta banderak erosteko aukera izanen da.
Sorginxulo Lesakako kultur bilguneak udalaren laguntzarekin antolatuta, Udako Zikloa abiatu zen uztailean, Pettiren emanaldiarekin eta uztailean eta abuztuan hainbat ekitaldi egin ondotik, azken txanpan sartua da.
Genero indarkeriarekin lotutako prestakuntza jarduerak antolatu ditu Lesakako udalak irail hasierarako, genero indarkeriaren aurkako Estatuko Paktuak lagunduta. BerHezi taldekoak izanen dira formatzaile. Izena eman eta informazio gehiagorako 692 18 92 86 telefonora deitu behar da. Helduei eta gazteei zuzendutako saioak izanen dira eta aforoa mugatua izanen dute.
Iarmendi parajean dauden 21 uso postuen enkantea larunbat eguerdian eginen dute, Etxalarko Herriko Etxean. Bertaratzeko maskara janztea derrigorrezkoa izanen da.