Astelehena, abenduak 24

12:00

Olentzero eta Jaiotze lehiaketa Lesakan

Aurten sariak bikoiztu egin dituzte, baina arratsaldeko kalejira bukatutakoan banatuko dituzte  Heldu den astelehen eguerdian, abenduak 24, urtero bezala Olentzero eta Jaiotzen lehiaketa ospatuko dute Lesakako Plaza Zaharrean. Azken urteetako ohiturari eutsiz, aitzinetik izena eman beharko dute taldeek eta horretarako abenduaren 22an, larunbatean jo beharko dute Turismo Bulegora (Beheko Plaza 5), 10:00etatik 12:00etara. Aurten sariak bikoiztu egin dira kategoria guztietan eta sari banaketa arratsaldeko kalejiraren ondotik eginen dute.

19:00

13:46

Herri dantza ikastaroa

Ortzegunetan 19:00etatik 20:30era Beti Gazte elkartearen egoitzan Jauziak, Muxikoak, Polka Pik, Txulalai, Txapeloaz, Jaurrieta, Tafallako Jota, Borobila dantza eta bertze zenbait herri dantza ikasteko aukera eskainiko du Beti Gaztek ikasturte honetan Lesakan, ortzegunetan 19:00etatik 20:30era elkartearen egoitzan. Izena emateko 676 061473 telefonora (Alejandro) deitu behar da arratsaldez edo whatsappez.

12:00

20:00

Jose Ignacio Muruaren argazki erakusketa

Koteto Ezkurraren agurreko partidako argazkiak bildu ditu  Sortzez pasaitarra, baina Sunbillarekin harreman handia duen Jose Ignacio Muruak argazki erakusketa ireki du Sunbillako Bustitz ostatuan. Hain zuzen, Koteto Ezkurrak Galarretan jokatu zuen azken partidako argazkiak bildu ditu eta bi astez ikusgai izanen dira. Koteto Ezkurra bera izan zen larunbatean irekiera ekitaldian.

16:00

23:00

'Negun Atekan hotzik ez' abenduaren 20tik urtarrilaren 4ra Leitzan

Ostegunean, 18:30ean, Orantzaroari buruzko hitzaldiarekin hasi eta urtarrilaren 4ko Soma Cult taldearen kontzertuarekin itxiko dute Eguberrietako egitaraua Aurten ere 'Negun Atekan hotzik ez' egitaraua antolatu dute leitzarrek. Atekabeltz gaztetxean denetariko ekitaldiak izanen dituzte: hitzaldiak, magia ikuskizuna, tailerrak, pintxopoteoa, kontzertuak. Abenduaren 20an hasiko dituzte ekitaldiak eta urtarrilaren 4an emanen diete amaiera. 

16:00

18:00

Lesakan haurtzaroari begira 1920-1950 erakusketa

Abenduaren 20tik urtarrilaren 20ra ikusgai izanen  da Harriondoa Kultur Etxean  Lesakan haurtzaroari begira 1920-1950 erakusketa ikusgai izanen da abenduaren 20tik urtarrilaren 20ra Lesakako Harriondoa Kultur Etxeko Txokobiko aretoan. Lesakako Osasun Etxeko pediatra den Belen Compainsek bultzatutako erakusketa da, Udalaren eta Beti Gazte elkartearen laguntzarekin, «baita beraien testigantzak gogoz eskaini dituzten hainbat herritarren laguntzarekin ere», Compains berak dioenez.

16:53

23:00

VIII. Areto-futbol Txapelketa Donezteben abenduaren 23tik 31ra

Abenduaren 23tik 31ra bitarte jokatuko dira partidak Donezteben Doneztebe Futbol Taldearen estutik, Areto-futbol Txapelketaren zortzigarren edizioa jokatuko dute aurten. Abenduaren 23an hasiko dituzte partidak eta hilaren 31n bukatuko dira. Izen-emateko epea ortzegunean, abenduaren 13an, akituko da. Nahi duenak doneztebefutboltaldea@gmail.com helbide elektronikora eman dezake izena.