Alke kultur elkartearen eskutik, Orantzaroari buruz hitz eginen dute ortzegunean, abenduaren 20an. 18:30ean zehaztu dute hitzordua. Igandean, abenduaren 23an, berriz, helduentzako Gezur gehiegi magia ikuskizuna izanen dute 20:30ean. Txoborro magoak eskainiko du eta sartzeko bost euro ordaindu beharko dira.
Abenduaren 26an, asteazkenean, gaztetxoek hartuko dute lekukoa. Talo tailerrerako osagaiak prest dituzte. Irin eta urez osatutako orea oratzeko irrikitan daude. 18:30ean hasiko dira eta ondotik, 20:30ean, joko mundiala izanen dute.
Ekitaldiak ez dira 2018an bukatuko. Urtarrilaren 4an, ostiralean, pintxo potean bilduko dira, 19:00etan eta ondotik, 20:30ean, Soma Culten erritmora dantzatzeko parada izanen dute.