Castellers de Vilafranca taldearen saioa ikusteko aukera izanen da Kataluniarekin Elkartasun Eguna antolatu du Elizondoko Herriak, Baztandarren Biltzarrarekin eta Jo ala Jo taldearekin batera. Uztailaren 15ean izanen da, igandean. 11:00etan harrera eginen dute plazan eta 11:15ean ibilaldia Katalunioako Vilafrankarrekin eta erraldoiekin. 12:45ean Castellers de Vilafrancak saioa eskainiko du plazan eta 14:30ean bazkaria eginen dute Iriarte pilotalekuan.18:00etatik aitzinera kontzertuak izanen dira Merkatuko plazan, Paxkal Irigoyen kantariarekin eta Kaskezur eta Borrokan musika taldeekin.
Patata tortilla lehiaketak laugarren edizioa beteko du joan den urteko geldialdiaren ondotik Uztailaren 15a Karmengo Amabirjin bezpera da eta zortzigarren Herri afaria eginen dute Goizuetako plazan igandean 20:30ean. 21:30ean, garai bateko ohitura galdu gabe, suak piztuko dituzte. Eguraldi txarrarekin Lubineko Pilota Plazan izanen litzateke afaria. Lehenbiziko aldiz Umore Onak hartu du antolaketaren ardura eta sagardoa, ardoa, freskagarriak jarriko ditu, Udalaren finantziazioarekin.
Gazteria eta sexualitateari buruzko Gozamenez programaren baitan urriaren 8ra bitarte aurkez daitezke lanak Bortzirietako Gizarte Zerbitzua gazteria eta sexualitateari buruzko Gozamenez programaren baitan dagoenez, 2018ko uda, oporrak eta herriko besta giroa aprobetxatu nahi du Arantza, Igantzi, Etxalar, Lesaka eta Berako gazteei (12-18 adinekoei) lehen aldiz antolatu duen argazki lehiaketan parte hartzera.
11:00etatik 13:00etara bilduko dira, egunero Herriko plazara inguratzen denak, aurten ere, umeen jolasak eta barreak adituko ditu. Ekainaren 19an izan zuten azken eskola eguna eta ginkana berezi batekin bukaera borobila eman zioten ikasturteari. Orain, berriz, atseden hartzeko garaia da baina baita ongi pasatzekoa ere.
Ortziraletik astelehenera bitarte jolasak, ikuskizunak, musika, lehiaketak... izanen dira eta ortzirale goizetik hasita, egunero puzgarriak paratuko dituzte, plazan Ortziralean 20:00etan lehertuko da bestei hasiera emanen dien suziria. Halere, 16:30ean Kulkiren eskutik, herriko ttikiendako herri-kirolak izanen dira; eta 19:00etan besta girora hurbiltzeko herriko dantzaldien emanaldia izanen da ikusgai.