Larunbata, urriak 24

10:00

12:00

'Tratu onaren aroa' tailerra laugarrenez Donezteben larunbatean

Angiru psikomotrizitate zentroko neskek Tratu onaren aroa tailerra eskainiko dute laugarrenez Doneztebeko Osasun Zentroan, larunbat honetan, urriaren 24, 10:00etan. Bertan, haurren harremanak eta jolasteko nahiaren inguruan mintzatuko dira, horren gabezia ikusi edo sentitzen duten heldu eta familiei laguntza eta aholkuak eskainiz. 638 529 785 zenbakira deituz egin ahal izanen da izen ematea. 

12:00

13:00

Baztan Bidasoako Gazte Kordinadora Sozialistak aurkezpena eginen du urriaren 24an

Baztan-Bidasoko Gazte Koordinadora Sozialista ezagutaraztera emanen da larunbat honetan, urriaren 24an, Elizondoko Arizkunenean, 12:00etan.

12:30

18:00

Sarako Beti Gazte Zugarramurdiko Azketara

Sarako Beti Gazte adinekoen elkarteak jakinarazi du bere urteko azken ateraldia urriaren 23an, ortziralean, 12:30ean eginen duela, bazkari batekin Zugarramurdiko Azketa jatetxean. Parte hartu nahi duenak izena eman behar du urriaren 19a aitzin.

14:00

Kantu bazkaria Eratsunen

Mahaiaren bueltan bilduta, berriz ere pestarako prest dira eratsundarrak. Aurten, aurreneko aldiz, kantu bazkaria antolatu dute Pelotazale Elkartean eta urriaren 24an, larunbat honetan, egin dute horretarako hitzordua.

17:30

18:30

'Txepeldunak' bertso antzerkia

Malerrekako Mankomunitateak antolatu eta Iturengo Udalaren laguntzarekin haurrentzako bertso antzerki emanaldia izanen dute urriaren 24an, larunbatean 17:30ean, Iturengo herriko etxeko ganbaran. Uxue Alkorta eta Maren Basterretxea aktoreak dira Txepeldunak ikuskizunaren bi artistak.

18:00

20:00

'Abata' Etxalarko Usategietako film labur dokumentala ikusgai urriaren 24an Etxalarren

Urriaren 24an kultur etxean, 18:00etan eta 19:00etan, aukera izanen da film labur dokumentala ikusteko eta, ondotik, Rosa Arburuak gidatutako solasaldia izanen da bertan. 

19:30

20:30

Organorako Musika Nafarroan zikloko emanaldia Lesakan

Lesakako Roqués organo historikoa izaten ari da berriro udazken honetako kultur agendaren protagonista, Lesakako Roqués Organoaren Lagunen Elkarteak antolatutako hiru kontzertuko ziklo batekin eta Nafarroako Gobernuak antolatutako laugarren kontzertu batekin, Nafarroako Organorako Musika Zikloaren 42. edizioaren barrenean. Hain zuzen, Nafarroako Gobernuak antolatutako ziklo honetako kontzertuaren txanda izanen da urriaren 24an. Larunbatean, 19:30ean hasita, Susana Garcia Lastra organistak kontzertua emanen du Lesakako San Martin elizan.

19:30

20:30

'Arizona' antzerkia Beran

Aitziber Garmendia eta Jon Plazaola aktoreek Arizona antzerkia taularatuko dute larunbat honetan, urriaren 24an, Beran. Emanaldia kultur etxean izanen da, 19:30etik aitzinera. 

19:30

20:30

Organo Musika Nafarroan zikloaren barrenean kontzertua Lesakan

Lesakako Organozaleek antolatutako udazkeneko zikloaz aparte, Organo Musika Nafarroan zikloaren 42. edizioaren aurkezpena egin zuten joan den astean Iruñean eta Nafarroa osoan eginen diren zortzi kontzertuetako bat Lesakan eskainiko dute. Hain zuzen, Susana Garcia Lastra organo jotzailea ariko da urriaren 24an, larunbatean 19:30ean, San Martin elizan.  

07:51

Beti Gazteko XIII. ipuin lehiaketa

Lehen Hezkuntzako hirugarren mailatik seigarrenera artean dauden lesakarrek parte hartu ahal izanen dute eta lanak azaroaren 13a baino lehen aurkeztu ahal izanen dira

Hizkuntza: Euskara

14:00

Victor Masferreren 'Denboraren materia'

Etxalarren bizi den Víctor Masferrer kataluniarraren Denboraren materia proiektua ikusgai izanen da Lesakako liburutegian urriaren 8tik 30era. Proiektu honek eskultura eta prozesu gailu bat proposatzen du, liburutegiko airea bildu eta poliki-poliki ur bihurtzen duena. Kondentsazio sistema baten bidez, espazioan dabilen eta arnasten den airea tanta moduan ikusgarri bihurtzen da, liburutegian emandako denbora partekatua materia ukigarri bihurtuz.