Larunbata, urriak 28

10:00

14:30

Merkatu ttikia Lesakan

Lesakako Udalaren eta herriko ekoizleen, artisauen eta komertzioen arteko elkarlanari esker merkatu ttikia eginen dute larunbatean, urriaren 28an, Lesakako Beheko Plazan. 10:00etatik 14:30era hainbat lan eta produktu ikusteko eta erosteko aukera izanen da. «toki ttikietan gauza handiak gertatzen direlako».

12:00

20:00

San Fermin elkartearen eguna

Lesakako San Fermin jubilatu elkartearen eguna ospatuko dute urriaren 28an. Larunbatean 12:30ean aurreskua dantzatu eta oroigarria emanen zaie 85 eta 90 urteko omenduei Alondegian eta 14:00etan bazkaria Zalain jatetxean izanen dute. Txartelak 40 eurotan eskura daitezke hilaren 25a arte jubilatuen ostatuan.

16:00

21:00

Bortzirietako Herri Eskola Publikoen besta

Larunbat arratsalderako hainbat ekitaldi antolatu ditu Irain eskolako Guraso Elkarteak Aurten, Lehenbiziko aldiz, Bortzirietako Herri Eskola Publikoen besta ospatuko da Lesakan, Irain eskolako Guraso Elkarteak antolatua, Lesakako udalaren laguntzarekin. Ospakizunaren helburua «bortz herritako eskola komunitateak, eskola, guraso, haur eta familiak elkarlanean arratsalde polit bat pasatzea izanen da. Modu honetan, herritarren arteko harremanak sendotu, kultur jarduerak bultzatu eta gure seme-alabei bertze ereduak azaltzeko aukera ezin hobea izanen da».

17:00

20:00

Udazkeneko festa

Udazken kolorez jantziko da plaza urriaren 28an, larunbatean. Denok Bat guraso elkarteak udazkeneko festa antolatu du eta plaza apaindu eta gaztaina erreak janez, giro ederrean, kantuan eta dantzan pasako dute arratsaldea. 

17:00

Jeiki abesbatzaren kontzertua

Leitzako abesbatzako kideak Peru-Harri museoan ariko dira kantuan urriaren 28an. 17:00etan hasiko da emanaldia eta sarrera dohainik izanen da. Kontzertu berezia izanen dela aurreratu dute eta inguruneak eskaintzen dituen aukerak baliatu nahi dituzte: kontzertua baserriaren kanpoko aldean hasiko dute eta baserri barruan bukatu. Horregatik, eguraldi txarra egiten badu kontzertua bertan behera geldituko da.

17:30

19:00

Ameli eta xirrikituen jostunek ipuin kontalaria

Malerrekako Bertso Eskolak eta Malerrekako Mankomunitateak antolatuta, haurrentzako ipuin kontaketa izanen da Beintza-Labaiengo eskola zaharrean larunbatean, hilaren 28an, 17:30ean. Ameli eta xirrikituen jostunek ipuin kontalariak ariko dira kantu eta kontu kontari.

19:00

20:00

'Martinis con sabor a pólvora' antzezlana Beran

Berako Udalak eta Berako Kultur Batzordeak gonbidatuta, Martinis con sabor a pólvora antzezlana ikusteko aukera izanen da larunbat honetan, urriaren 28an, Berako Kultur Etxean. Gaztelaniaz izanen da eta sarrera bortz euro ordaindu beharko da. 19:00etan hasiko da.

08:00

Beti Gazteren argazki lehiaketa

Urriaren 31 arte aurkez daitezke eta lehen saria 400 eurokoa izanen da

10:30

'Just light' Diana Iniestaren margo erakusketa Bertizen

Erratzun bizi den Diana Iniesta Benedicto margolariaren Just light (Argia soikik) olio margoen erakusketa zabalik dago Bertizko Jaurerriko Natur Parkean eta urrian bisita daiteke, parkearen ordutegian.

14:00

Bubisher. Tindufeko errefuxiatuen kanpamentuetako liburutegiak

Saharako Kabiak elkarteak beraien lana ezagutarazteko eta Saharako errefuxiatu-eremuetako liburutegiekin lankidetzan aritzeko Nafarroako Liburutegi Sareko zortzi liburutegira hurbildu nahi du ikasturte honetan, Liburutegi Zerbitzuaren proiektuaren barrenean. Lesakako liburutegian Bubisher. Tindufeko errefuxiatuen kanpamentuetako liburutegiak erakusketa ikusgai izanen da urriaren 13tik azaroaren 10era.

16:00

Oroimen tailerra

Irailaren 20tik abenduaren 20ra emanen dute, asteazken arratsaldetan Eskola ttikin eta hilaren 16ra arte eman daiteke izena

16:00

'Zaratak ez du izenik' erakusketa

Ikustekoa baino, entzutekoa izanen da bihar hasi eta abenduaren 3an Berako Labiaga ikastolako Areto Nagusian egonen den erakusketa. Xabier Erkizia soinu artistak 'Zaratak ez du izenik' izeneko erakusketa paratuko du. Erakusketa larunbatetan eta igandetan ikusten ahal da 16:00etatik 20:00etara.