Humberto Roblesen lana da, Alazne Etxeberriaren zuzendaritzapean egina. Antzezleak Amaia Urrestarazu, Lourdes Mendizabal, Maite Amarika eta Maite Etxeberria dira.
Umore beltzeko komedia bat da, sekretu aitorrezinak eta bolbora zapore bat aireratuko dituena: Gau batean, martini batzuen berotasunean, elkarren artean hagitz ezberdinak diren lau lagun elkartzen dira solastatzeko eta haien intimitateak argitzeko. Tentsioa areagotuz joanen da horietako baten senarra hilda agertzen denean. Suizidioa edo hilketa? Krimen baten konplize izanen dira ala aitortuko dute?