Uda giroarekin batera, Baztan Bidasoko artisauak herriz herri eta plazaz plaza euren lanak erakusten hasiak dira. Heldu den igandean, ekainaren 20an, Urdazubin dute hitzordua. 10:00etatik 14:00etara postuak paratuko dituzte.
Ekainaren 20rako, hurrengo iganderako, 'Aroztegia gelditu!' lelopean elkartasun bazkaria antolatu dute Berako Kataku ostatuan, 14:00etan, eta plater bakoitzak zazpi euro balioko ditu.
Iñaki Peña zuzendaria eta Felipe Uriarte protagonista ere Harriondoan izanen dira 19:30etik aitzinera
Berako Ricardo Baroja eskolaren 40. urteurrena dela eta egiten ari diren jardueren artean, oraingoan, argazki erakusketa bat antolatu dute. Ricardo Baroja eskola: 40 urte argazkitan erakusketa hau, kultur etxean egonen da publikoari irekita, gaurtik hasita hiru asteburutan. Ortziraletan 17:00etatik 19:00etara eta larunbatetan eta igandetan 11:00etatik 13:00etara eta 17:00etatik 19:00etara izanen da ikusteko aukera.
Berako Labiaga Ikastolako ikasleek erakusketa irekiko dute larunbat honetan Altzate karrikako ikastolako Areto Nagusian. Ekainaren 20a bitarte larunbat eta igandetan izanen da aukera erakusketa bisitatzeko, 16:00etatik 20:00etara. Urtean zehar egin dituzten lanak jarri dituzte Areto Nagusian, ikasle bakoitzeko lan bana.