Azken urteetako ohiturari eutsiz, Lesakako Beti Gazte elkarteak hiru mendi ateraldirekin bukatuko du urtea. Lehenbizikoa abenduaren 21ean, igandean, eginen dute Elutxara. Goizeko zortzietan abiatuko dira Plaza Zaharretik eta Elutxan txistorra jatea izanen dute.
Abenduaren 22an eta 23an, astelehenean eta asteartean 09:00etatik 14:00etara eman behar da izena herriko etxean, konpromiso orri bat sinatuz Aurten ere olentzero eta jaiotza lehiaketak antolatu ditu Lesakako Udalak abenduaren 24an. Asteazkenean 11:30ean izanen dute hitzordua Lesakako Plazan. Parte hartu nahi duten taldeek abenduaren 22an eta 23an, astelehenean eta asteartean 09:00etatik 14:00etara eman behar dute izena Lesakako herriko etxeko bulegoetan eta izena ematerakoan konpromiso orri bat sinatu beharko dute.