Palestinari elkartasuna adierazteko asmoz eta diru bilketa egiteko egun pasa parte hartzailea antolatu nahi dute Malerrekan. Antolaketan hasteko, larunbatean, martxoaren 16an, biltzeko deia egin dute. Hitzordua Zubietako eskolan izanen da 11:00etan
Herriko Tantirumairu taldeko dantzari ttikiekin batera, Lezo, Zumaia eta Altsasukoak ariko dira dantzan Tantirumairu Euskal Folklore taldeak antolatutako Tantirudantza jaialdia martxoaren 16an eginen dute Lesakan.
Larunbatean, martxoaren 16an kontzertu berezia emanen du Doneztebeko Mendi abesbatzak 20:00etan parrokian. Pasa den udan zendu zen Federico Moreno-Torroba Larregla musikariari, zuzendariari eta konpositoreari omenaldia eginen diote.
Martxoan eginen dute eta izena emateko epea otsailaren 29an bukatuko da. Lesakako Beti Gazte elkarteak joskintza tailerra antolatu du berriz ere, oraingoan martxoaren 4an hasi eta hilabete batez. Kurtso osorako prezioa 5 eurokoa da eta Beti Gazteko bazkideei irekitako ikastaroa da.
Hilabeteko hirugarren asteburuan, zinemaren bueltan osatuko dute Leitzako Herri Aretoko proposamena. Martxoaren 16an eta 17an Negu hurbilak proiektatuko dute 17:00etan eta 19:30etik aurrera Pobres criaturas filma izanen da ikusgai. Azken film honen larunbateko saioa jatorrizko bertsioan emanen dute azpitituluekin eta igandekoa gazteleraz izanen da.