Logoa
Mendialdeko albisteak

64 urteko langilea istripuan hil da Zalaingo lantegian

Ttipi-Ttapa 2016-09-28 15:29   Gizartea  Bortziriak  Lesaka

64 urteko langilea hil da irailaren 28an, asteazken goizean Lesakako Zalaingo lantegian, Foruzaingoak jakinarazi duenez. Itxura batean, tubo-estanteria batzuetan lanean ari zela erorikoa izan du, baina ez da lekukorik izan. Nafarroako Larrialdi Zerbitzuan goizeko 11:56an jaso dute abisua eta guardiako medikua eta erizaina lantegira joan direnerako, heriotza ziurtatu bertzerik ezin izan dute egin.

Udako argazki lehiaketako saridunak jakinarazi ditu ERRAN.EUS atariak

Ttipi-Ttapa 2016-09-28 12:47   Gizartea  Mendialdea

Epaimaiaren lehiaketa Elizondoko Xabier Erasunek irabazi du eta erabiltzaileena Arizkungo Pello San Millanek 

54 argazki aurkeztu dituzte erran.eus atariak bigarren aldiz antolatutako argazki lehiaketara, eta horien artean, Elizondoko Xabier Erasun Eraunzetamurgilen Bi langileak... argazkiak irabazi du epamaihaiaren saria. Hala, Itzaltzuko Besaro landahotelean asteburu bateko egonaldia irabazi du.

Aritzakun-Urritzate-Gorramendi aldean lanak egin dituzte gizarteko bazterkeria-arriskuan dauden hiru pertsonek

Ttipi-Ttapa 2016-09-28 08:04   Gizartea  Baztan

Nafarroako Gobernuarekin lortutako akordioaren barnean, Tasubinsak egin ditu habitata berreskuratzeko lanak, La Caixaren laguntzaz 

Gizarteko bazterkeria-arriskuan dauden hiru pertsonek haltzadien habitatak berreskuratzeko proiektu bat garatu dute uda honetan La Caixak babestuta (21.000 euro), Nafarroako Gobernuarekin lortutako akordioaren barnean. Aritzakun-Urrizate-Gorramendi kontserbazioko gune berezian espezie exotiko inbaditzaileen zuhaitzak kendu dituzte.

Kepa Junkeraren kontzertua urriaren 1ean Zugarramurdiko lezeetan

Ttipi-Ttapa 2016-09-27 10:49   Kultura

Maletak diska berria aurkeztuko du larunbat ilunabarreko 8etan, herriko Sorgin haizea antzerki taldearen laguntzaz

Urriaren 1ean Kepa Junkerak kontzertu bat emanen du lezeetan. Maletak izeneko bere azkeneko diskoaren kantuak emanen ditu, eta musikaz gain, ikuskizun bisuala ere sartu nahi du. Horretarako, herriko Sorgin haizea antzerki taldearen laguntza izanen du.

Etxalarko Larraburua elkartearen 25. Urteurrena ospatzen hasiko dira

Ttipi-Ttapa 2016-09-27 10:47   Gizartea  Bortziriak  Etxalar

Urriaren 1ean Xaretara bidaia eta bazkaria antolatu dute

Aurten Etxalarko Larraburua jubilatuen elkartearen 25. Urteurrena dela eta urriaren 1ean Xaretara bidaia eta bertan bazkaria eginen dute. Larunbat goizeko 9:30ean abiatuko dira herri sarrerako aparkalekutik, Ainhoako txokoak ezagutu, Urdazubiko leizeak bisitatu eta bazkaria eginen dute Urdazubin. Arratsaldean berriz, Zugarramurdiko Sorginen museoa ikusteko aukera izanen dute. 

Asteburuko aperitiboaren ondotik, irailaren 28tik urriaren 2ra ospatuko dituzte Igantziko bestak

Ttipi-Ttapa.Xorroxin 2016-09-27 07:48   Gizartea  Bortziriak  Igantzi

San Migel egun handian ohiko dantzak eskainiko dituzte ezpatadantzariek eta dantzariek

Asteburu mugitua izan dute Igantzin, besta usainekoa, baina egitan, San Migel bestak irailaren 28an, asteazken arratsaldeko 8etan botako den altxaferuarekin. Halere, lehen suziria bota baino lehen ere izanen da goitibehera erakustaldia eta trikipoteoa. Suziria lehertu ondotik, zer erranik ez.

Usategietako tradizioaren besta ospatu dute igandean Lizarietan

Ttipi-Ttapa 2016-09-26 16:44   Gizartea  Bortziriak  Etxalar

Etxalar eta Sarako udalen arteko 2011ko hitzarmena berretsi zuten eta Munduko III. karote botatzeko txapelketan, iaz bezala, Daniel Calvet saratarra nagusitu zen.

Usategietako tradizioaren besta irailaren 25ean, igandean ospatu zen Lizarieta inguruan eta berriz ere, saratarrak eta etxalartarrak elkartzen dituen mugan bi herrietako ordezkaritza zabala bildu zen. Duela bortz urte sinatutako ehizari buruzko hitzarmena berretsi zuten Migel Mari Irigoien eta Battite Laborde alkateek eguerdian, Isabel Elizalde Nafarroako Gobernuko Landa Garapen, Toki Administrazio Ingurumen eta Lurralde Antolaketarako kontseilaria lekuko zutela, baina bertze hainbat ekitaldi izan ziren.

Pirinioetako arrazako 170 behi eta zezen aurkeztu dira Elizondoko lehiaketara

Ttipi-Ttapa.Xorroxin 2016-09-26 15:23   Gizartea  Baztan  Elizondo

Arraiozko Elizaldeko Garde-Laurnagatarrek Baztango azienda onenak ez ezik, bertze hainbat sari eskuratu zituzten

Gehien bat Euskal Herrian hazten diren aziendak izan ziren ikusgai Elizondon eta 23 abeltzainek 170 buru lehiaketara aurkeztu zituzten. 14 abeltzain Nafarroakoak ziren , 6 Bizkaitik etorriak eta 3 Gipuzkoatik. Sarien artean bat bereiztekotan, Juan Miguel Agirre Iparrea “Bibi” zenaren omenez, Arraiozko Elizaldeko Javier Garde eta Isabel Laurnaga senar-emazteek eta Alvaro eta Javier semeek jasotakoa, bere ustiategiaren kalitatearengatik. Atal bakoitzeko irabazleak joarea eta 90 euro jaso zituen saritzat, 70 euro bigarrenak eta 50 euro hirugarrenak.

Aizarnazabalgo Manuel Gorriti eta Argi nagusitu dira Igantziko XXXVI. Artzain Zakur lehiaketan

Ttipi-Ttapa 2016-09-26 15:55   Gizartea  Bortziriak  Igantzi

Gazta lehiaketan hamar aurkeztu ziren eta Antsoneberriko Enkarnita Etxeberria suertatu da garaile

XXXVI. Artzain-zakur lehiaketa egin zen irailaren 24an Igantziko Elustan. Sei artzain aurkeztu ziren beraien zakurrekin eta  Aizarnazabalgo Manuel Gorriti eta Argi bere zakurra suertatu ziren garaile, 143 punturekin. Bigarren postua, iazko irabazleek, Zumaian bizi den Mikel Garaiar oiartzuarrak eta Lucky zakurrak lortu zuten (138 puntu) eta hirugarrenpostua Itsasuko Jean Paul Irikin eta Listo zakurrak (129 puntu).

Endika Urrutia saldiastarra eta Ion nagusitu dira Nafarroako erremonte txapelketan

Ttipi-Ttapa.Xorroxin 2016-09-26 12:28   Kirola  Mendialdea

Irailaren 25ean Zubirin jokatutako finalean 35-25 irabazi zieten Xanti Uterga eta Joxe Etxeberria III doneztebarrei

Endika Urrutia saldiastarra eta Ion nagusitu zaizkie Xanti Uterga eta Joxe Etxeberria III doneztebarrei, irailaren 25ean Zubirin jokatutako Nafarroako erremonte txapelketaren hamekagarren edizioko finalean. 

Idazkari postua aldi baterako betetzeko deialdia argitaratu du Leitzako Udalak

Ttipi-Ttapa 2016-09-26 09:05  Leitzaldea  Leitza

Eskaera eta dokumentazioa udaletxean utzi beharko da urriaren 21eko 13:00ak baino lehen

Lanpostuan jarduteko euskara ezagutza frogatzea ezinbestekoa izanen da eta Zuzenbidea, Zientzia Politikoetako edo Soziologiako lizentziatu titulua izan beharko dute hautagaiek. Izena eman nahi dutenek, Leitzako Udaletxean egin beharko dute urriaren 21eko 13:00ak baino lehen.

 

Herrietako eskoletan hainbat lan egin ditu uda honetan Baztango Udalak

Ttipi-Ttapa 2016-09-26 09:01   Gizartea  Baztan

Lanik aipagarrienak Lekarozko eskolaren berritze eta irekitzea, Gartzaingo eskolaren egokitzapena eta Ikastolako jangelaren handitzea izan dira

Urtero bezala, aurtengo uda sasoian Baztango udalak bere ardurapeko eskoletan lan desberdinak egin ditu. Lan nagusiak Gartzain eta Lekarozko herriko eskoletan eta Baztan Ikastolan egin dira. Gainerakoetan ohiko mantenimendu lanak egin dira: konpoketak, margoketak eta gisakoak.

Gero Axular dantza taldearen Itzal Galdua ikusgai izanen da urriaren 1ean Lesakan

Ttipi-Ttapa.Xorroxin 2016-09-28 08:19   Kultura  Bortziriak  Lesaka

Larunbat arratsaldeko 7etan hasiko da emanaldia Harriondoa Kultur Etxean

Gero Axular dantza taldeak Itzal galdua dantza ikuskizuna eskainiko du urriaren 1ean, larunbatean 19:00etan Lesakako Harriondoa Kultur Etxeko Txokobiko aretoan. Sarrera 10 euro gostako da (aitzinetik turismo eta kultura bulegoan eta larunbatean sarreran).

Bidasoko Trenbidearen Mendeurreneko erakusketa Sunbillan ikusgai

Ttipi-Ttapa 2016-09-27 10:59   Kultura  Malerreka  Sunbilla

Irailaren 27tik urriaren 11ra, Herriko Etxearen hirugaren solairuan 

Lesakan abiatu eta Etxalar, Donamaria, Doneztebe, Eratsun, Bera eta Igantziko geltokietan geldialdiak egin ondotik, Bidasoko Trenbidearen mendeurrenaren inguruan antolatu den erakusketa  Sunbillako udaletxean ikusgai izanen da, irailaren 27tik urriaren 11ra. Herriko Etxearen hirugarren solairuan, astegunez 08:00etatik 15:00etara eta asteburuetan 11:00etatik 13:00etara egonen da ikusgai.

Errioxara bidaia antolatu du Lesakako San Fermin elkarteak urriaren 6rako

Ttipi-Ttapa 2016-09-27 10:53   Gizartea  Bortziriak  Lesaka

85 urte bete dituztenei eta Urrezko eta Diamantezko Ezteiak ospatzen dituztenei omenaldia ere prestatzen hasiak dira

Lesakako San Fermin jubilatu eta pentsionisten elkarteak Errioxara bidaia antolatu du urriaren 6rako. Ortzegun goizeko 7:30ean abiatuko dira autobusean eta Erreniegan gosalduko dute; Arnedilloko merkatua ikusi, Logroño bisitatu eta bazkalduko dute. Bazkalondoan, etxera bueltan, Garesen ere geldituko dira.

Denboraldi berriari ekiteko bilera deitu du Errekako Emakume Korrikalari Taldeak

Ttipi-Ttapa 2016-09-27 08:01   Kirola  Malerreka  Doneztebe

Irailaren 29an, ortzegun arratseko 8etan eginen dute Doneztebeko elkartearen egoitzan 

2013ko urrian hasi zen lanean Errekako Emakume Korrikalari Taldea (EKT), atletismoa praktikatuz emakumeek kirolean gero eta gehiago parte hartzeko helburuarekin. Hiru denboraldi hauetan Doneztebeko San Silbestre lasterketan, Leitzako Krosean, Donostiako Lilatoian, Doneztebeko Krosean eta bertze hainbat lasterketetan parte hartu dute Errekako emakume korrikalariek. Orain, sasoi berriari ekiteko bilera deitu dute irailaren 29an, ortzegun arratseko 8etan Erreka elkartearen egoitzan. Informazio bilera idekia izanen da eta hortaz, gaur egun korrikan ari diren emakumeak eta korrikan hasi nahi dutenak gonbidatuak daude.

Euskal Herriko finalerako txartela lortu dute eskualdeko arpanlari mistoek

Ttipi-Ttapa 2016-09-27 07:33   Kirola  Mendialdea

Hiru denborarik onenak Nafarroako arpanlariek lortu zuten Larrabetzun (Bizkaia) eta urriaren 12an Basaurin jokatuko den finalean izanen dira, bertze hiru bikoterekin batera.

Emakumezkoen Euska Herriko arpana txapelketa mistoa jokatu zen igandean Uharten eta bezperan, Larrabetzun (Bizkaia), Euskal Herriko txapelketa mistoaren finalerako sailkatze proba jokatu zen. Parte hartu zuten eskualdeko arpanlari guztiek lortu zuten urriaren 12an Basaurin jokatuko den finalerako txartela.

Suinki euskategi berria inauguratu du Baztango AEKk

Ttipi-Ttapa 2016-09-26 15:30   Gizartea  Baztan  Elizondo

Elizondoko Baztan Berri karrikaren 7.ean dagoen Suinki euskaltegi berriaren inaugurazio ekitaldia ospatu zuen Baztango AEK-k irailaren 23an. Gan den urtean klase batzuk eman bazituzten ere, ortziral arratsean egin zuten ikasturte berriko irekiera ekitaldia egoitza berrian.

Hiru segundogatik lortu du Donato Larretxeak Nafarroako aizkora txapelketaren finalerako txartela

Ttipi-Ttapa 2016-09-26 12:11   Kirola  Mendialdea

Arantzako beteranoarekin batera, Iker Vicente, izanen dira azaroaren 18an Donezteben jokatuko den finalerako bortz txartel jokoan

Nafarroako lehen mailako aizkora txapelketaren kanporaketa jokatu da irailaren 25ean Uharten. Floren Nazabalek aizkora utzia duenez, bederatzi aizkolari aritu dira lehian, Donezteben, azaroaren 18an, jokatuko den finalerako bortz txartelen bila. Espero bezala, Otsagiko Iker Vicente izan da bizkorrena eta berekin batera, Leitzako Jon Rekondo eta Ruben Saralegi, Lezaungo Juanjo Lopez eta Arantzako Donato Larretxea ariko dira Doneztebeko feria eguneko finalean.

Itxaso Onsalok eta Leire Astiazaranek irabazi dute Euskal Herriko arpana txapelketa

Ttipi-Ttapa 2016-09-26 11:57   Kirola  Mendialdea

Errekor berria ere ezarri dute Aresoko eta Villabonako arpanlariek

Euskal Herriko emakumeen arpana txapelketa jokatu zen irailaren 25ean Uharten. Hiru bikote lehiatu ziren: Ultzamako Ainhoa eta Ana Iraizoz ahizpak; Berako Nerea Sorondo eta Amaia Garcia eta Aresoko Itxaso Onsalo eta Leire Astiazaran (Villabona) eta azken hauek izan ziren bizkorrenak: 45 ontzako enborrari 10 epai egiteko 3 minutu, 46 segundo eta 83 zentesima behar izan zituzten, errekor berria ezarriz.

Arraioz eta Oiz nagusitu dira gazte eta gaztetxoen laxoa txapelketetan

Ttipi-Ttapa.Xorroxin 2016-09-26 11:50   Kirola  Baztan  Arraioz

Irailaren 25ean Arraiozko plazan jokatutako finaletan Oiz eta Doneztebe Ari nagusitu zitzaizkien

Laxoa elkarteak antolatutako gazte eta gaztetxoen laxoa txapelketen finalak irailaren 25ean jokatu zituzten Arraiozko plazan. Gazte mailan Arraioz nagusitu zitzaion Oiz-i ziren eta gaztetxoen mailan Oiz Doneztebe Ari. 

Ehun txirrindulari baino gehiagok parte hartu du Berako Mendi Bizikleta Ibilaldian

Ttipi-Ttapa.Xorroxin 2016-09-26 09:32   Kirola  Bortziriak  Bera

71 helduk eta 39 haurrek osatu dituzte ibilbide ezberdinak

Gure Txokoa elkarteak antolatutako Berako XXIII. mendi bizikleta ibilaldia egin zen irailaren 25eah. Matzada futbol zelaia obretan dagoenez, irteera-helmuga puntua Iamotenean izan zuten parte hartu zuten 71 helduk eta 39 haurrek.

Nabarmenak

Gida komertzialeko produktuak

Terapia txokoa
Zu eta ingurukoak babesteko
Zu laguntzeko gaude
Jaunartzeak
Entsalada epela
Zabor haundiak jasotzen ditugu

erran SAREAN