Abel Barriola: «Naizen guztia zor diot pilotari»

  Kirola  Leitzaldea  Leitza

Abel Barriola: «Naizen guztia zor diot pilotari»

Hemeretzi urtez profesionaletan aritu ondotik, maiatzaren 7an bukatuko du ibilbidea Abel Barriolak

Badira egia bihurtzen diren ametsak. Eta zer ederragorik ametsa noiz bukatzen den norberak erabakitzea baino? 2016ko abenduaren 2an ­iragarri zuen Abelek binakako txapelketa ­bukatutakoan utziko zuela pilota eta maiatzaren 7an Donostiako Atano III.a pilotalekuan jokatuko du azken partida. TTIPI-TTAPA aldizkariarekin bildu da leitzarra, memoria eta emozioak ­dantzan jarrita, urte hauetako ­ibilbideari ­errepasoa emateko.

Haurren transexualitateari buruzko hitzaldia eskainiko dute Goizuetan apirilaren 24an

  Gizartea  Leitzaldea  Goizueta

Haurren transexualitateari buruzko hitzaldia eskainiko dute Goizuetan apirilaren 24an

Leitza, Goizueta, Areso eta Aranoko Gizarte Zerbitzuen Mankomunitateko Berdintasun Batzordeak antolatuta, astelehenean 17:30ean eskolan

Haur transexualitatea: ulertu lagundu ahal izateko hitzaldia eskainiko dute apirilaren 24an, astelehenean 17:30ean Goizuetako eskolako jantokian. Erika Salbatierra sexologoa eta Chrysallis elkarteko Edurne Korch eta Asier Mariezkurrenaren testigantzak entzuteko aukera izanen dute bertaratzen direnek. Hitzaldia egiten den bitartean ludoteka zerbitzua izanen da.

Zarauzko Primo txakolindegira irteera antolatu du Goizuetako Umore Onak

  Gizartea  Leitzaldea  Goizueta

Zarauzko Primo txakolindegira irteera antolatu du Goizuetako Umore Onak

Apirilaren 29an eginen dute irteera eta apirilaren 23ra arte eman daiteke izena Amaiaren kafetegian

Apirilaren 29an, Zarauzko Primo txakolindegira irteera antolatu du Umore Ona elkarteak. Larunbat goizeko 10:30ean aterako da autobusa eta txakolindegian bazkalduko dute. Bertara joan nahi duenak Amaiaren kafetegian izanen du horretarako aukera apirilaren 23ra arte, momentuan 30 euro ordainduta. 

Gozamenez Film Laburren 4. Lehiaketara lana aurkeztu dute Leitzako Amazabal institutuko ikasleek

  Kultura  Leitzaldea  Leitza

Gozamenez Film Laburren 4. Lehiaketara lana aurkeztu dute Leitzako Amazabal institutuko ikasleek

Maiatzaren 5era arte bozka daiteke

Iaz egin zuten bezala, aurten ere,  Leitzako Amazabal Institutuko DBHko hirugarren mailako ikasleek film labur bat egin dute Gozamenez Film Laburren 4. Lehiaketan parte hartzeko. 

Goizutrailen laugarren edizioak ere bi ibilbide izanen ditu aukeran maiatzaren 20an

  Kirola  Leitzaldea  Goizueta

Goizutrailen laugarren edizioak ere bi ibilbide izanen ditu aukeran maiatzaren 20an

Goizuetan eginen den probarako izen emateko epea zabalik dago

Azken bi urteetako arrakasta ikusita, aurten ere bi ibilbide izanen ditu aukeran Goizutrail mendi lasterketaren laugarren edizioak maiatzaren 20an, bata 10 kilometrokoa eta bestea 25 kilometrokoa. 

Udan Leitzako igerilekuan lan egiteko hiru pertsona kontratatuko dituzte

  Gizartea  Leitzaldea  Leitza

Udan Leitzako igerilekuan lan egiteko hiru pertsona kontratatuko dituzte

Lan eskariak maiatzaren 2a baino lehenago aurkeztu behar dira udal bulegoetan

Anikote Kirol Enpresa publikoak udarako lan eskaintza deialdia ireki du. Udan igerilekuan sorosle lanak egiteko bi pertsona kontratatuko ditu eta hirugarren bat bestelako lanetarako: erabiltzaileei harrera egin, sarrera-irteera kontrolatu eta kobratu... Izen emateko epea apirilaren 18tik maiatzaren 2ra izanen da, biak barne. Hautagaiek beren kurrikuluma eta NAN agiriaren kopia utzi behar dute udal bulegoetan.

‘Goizuetako dokumentu zaharrak’ argitara eman ditu Patziku Perurenak

  Kultura  Leitzaldea  Goizueta

‘Goizuetako dokumentu zaharrak’ argitara eman ditu Patziku Perurenak

1324 eta 1918 urteen arteko agiriak eman ditu ezagutzera apirilaren 12an aurkeztu duen liburuan

Goizuetako dokumentu zaharrak (1324-1918) liburua idatzi du Patziku Perurenak eta argitara eman du Pamiela argitaletxearekin. Apirilaren 12an, asteazken goizean egin du aurkezpena Iruñean eta Leitzan bizi arren, Goizuetako Aitasemegi auzoan 1959an jaio eta hazi zen idazle emankorrak aipatu duenez, «badira liburu honetan Goizuetaren historian sekulako inportantzia izan duten dokumentuak, eta herria maite duen edozeinek irakur litzake, batez ere, bere ibilera ugarian nolatsu gobernatua izan den ikasi nahi duenak». 

Leitzako herri krosa 2017

  Kirola  Leitzaldea  Leitza

»» Ikusi argazki guztiak (38)

400 parte hartzaile baino gehiago bildu zituen Leitzako Herri Krosak

  Kirola  Leitzaldea  Leitza

400 parte hartzaile baino gehiago bildu zituen Leitzako Herri Krosak

Aitor Mibenza eta Maialen Muñozek irabazi zuten proba nagusia

Apirilaren 8an 39. edizioa bete zuen Aurrera Kirol Elkarteak antola­tzen duen herri krosak. Eguraldi beroari aurre eginez, 400 parte hartzaile pasatxo aritu ziren lasterka, horietatik erdiak baino gehiago haur eta gaztetxoak.

Goizuetan ere Korrika Txikia egin dute

  Euskara  Leitzaldea  Goizueta

Aurtengoan ez da herritik igaro BatZuk lelopean Otxandio eta Iruñea lotu dituen 20. Korrika. Baina horregatik ez dira geldi egon herritarrak eta apirilaren 8an Korrika Txiki ikusgarria egin zuten herriko kaleetan zehar. Udalak, gazteek, Umore Onak, eta herriko hainbat eragilek kilometroa erosi, petoa jantzi, lekukoa hartu eta kalez kale ibili ziren, larunbat goizeko giro ederrak lagunduta. 

»» Ikusi argazki guztiak (16)

Haurren transexualitateari buruzko hitzaldiak eskainiko dituzte Leitzan eta Goizuetan

  Gizartea  Leitzaldea

Haurren transexualitateari buruzko hitzaldiak eskainiko dituzte Leitzan eta Goizuetan

Leitzaldeko Berdintasun Batzordeak antolatuta, apirilaren 7an eta 24an, hurrenez hurren

Haur transexualitatea: ulertu lagundu ahal izateko hitzaldia eskainiko dute apirilaren 7an, ostiralean 17:30ean, Leitzako Erleta eskolako jangelan. Iñaki Goñi  sexologoa eta Chrysallis elkarteko Edurne Korch eta Asier Mariezkurrenaren testigantzak en­tzuteko aukera izanen dute bertaratzen direnek. 

Leire Retegi Fernandez leitzarra saritua Hernaniko Txistulari gazteen XII. Txapelketan

  Kultura  Leitzaldea  Leitza

Leire Retegi Fernandez leitzarra saritua Hernaniko Txistulari gazteen XII. Txapelketan

Iruñea taldean, taldetako lehen saria eskuratu zuen, Jose Antonio Erauskinen ‘Aitona’ obrarekin 

Hernaniko XII Txistulari jaialdia ospatu da martxoaren 25 eta 26an, Euskal  Herriko Txistu Elkarteak antolaturik eta Hernaniko Udala eta Musika Eskolaren laguntzarekin. Larunbatean, goiz eta arratsaldeko saiotan, Hernaniko XII. Txistulari Gazteen Lehiaketa burutu zen

Ekitaldien bildumaren aurkezpena egin dute Goizuetan

  Gizartea  Leitzaldea  Goizueta

Ekitaldien bildumaren aurkezpena egin dute Goizuetan

Iritzia eta proposamenak biltzeko udalaren webgunean inkesta egiten ari dira apirilaren 2ra arte

Udalak 2016 hasieran jarri zuen martxan ekitaldien bilduma. Ekimen honen helburua Goizuetan dagoen kultur eskaintza zein den aztertzea eta hausnartzea da. Horretarako, 2016an zehar herrian antolatu diren ekitaldien balorazio orriak bildu ditu udalak antolatzaileen eskutik. Balorazio hauek udal artxi­bo­an erregistraturik geldituko dira. Baina horretaz gain, herriko eragileak eta hainbat herritar udaletxean elkartu ziren eta 2016ko ekitaldien errepasoa egin zuten. 

Familien Txokoa martxan da Leitzako Itzaire haurreskolan

  Gizartea  Leitzaldea  Leitza

Familien Txokoa martxan da Leitzako Itzaire haurreskolan

Zaintza lanak lehenetsi eta haurrekin egoteko denbora eta patxada hartzea du helburu 

Otsailean jarri zen martxan Familien Txokoa, adin txikikoen sarea osatzen duten Gizarte Zerbitzu, Osasun etxea eta Itzaire Haurreskolaren eskutik. Espazioa 0-3 urte bitarteko haur eta beren gurasoei zuzenduta dago. Zaintza lanak lehenetsi eta haurrekin egoteko denbora eta patxada hartzea du helburu. Horretarako bi ildo lantzen dira, haur-guraso harremanak sustatu eta gai desberdinen inguruko erreflexioa.

Leitzako eragile desberdinak bilduko ditu Ateka Asteak martxoaren 22tik 30era

  Gizartea  Leitzaldea  Leitza

Leitzako eragile desberdinak bilduko ditu Ateka Asteak martxoaren 22tik 30era

Harribeltz rokodromoa larunbatean aurkeztuko dute

Leitzako Atekabeltz Herrigunean biltzen diren herriko eragile desberdinen erakusle izanen da bigarrenez antolatu duten Ateka Astea. Martxoaren 22an hasi eta 30era arte, ekitaldi ugari eta anitzak dituzte prest. Tartean, Atekabeltzeko ganbaran auzolanean egin duten Harribeltz rokodromoaren aurkezpena eginen dute larunbatean.

Leitzako Udalak bere Energia Plana aurkeztu du

  Gizartea  Leitzaldea  Leitza

2020rako gastua, energia kontsumoa eta CO2 emisioak murrizteko helburua jarri du

Leitzako III. Energia jardunaldien barruan, Udalak bere Energia Plana aurkeztu zuen pasa den ostegunean. Plana ESETEK enpresarekin batera landu da. Diagnostiko bat egin ondoren hainbat neurri zuzentzaile proposatu dira, ingurumena zaindu eta dirua aurrezteko balioko dutenak.

Leitzako Udalaren 2017ko aurrekontuak

Erabiltzailearen aurpegia   Gizartea

Leitzako Udalak 2017ko aurrekontuak laburbiltzen dituen bideoa osatu du.

Erantzun bikaina izan du etxebizitzari buruzko inkestak Goizuetan

  Gizartea  Leitzaldea  Goizueta

Erantzun bikaina izan du etxebizitzari buruzko inkestak Goizuetan

309 etxebizitzatan utzi da galdetegia eta %86ak (266) erantzun du

Goizuetako Etxebizitza Batzordearen eskutik etxebizitzari buzuko galdetegia banatu zen etxez etxe eta emaitzak bikainak izan dira. Galdetegiarekin, iritsi nahi zen %90,12rengana iritsi da (309 etxebizitza), eta horietatik %86ak erantzun dute (266).

Goizuetan ere Emakumeen Eguna ospatu dute

  Gizartea  Leitzaldea  Goizueta

Goizuetan ere Emakumeen Eguna ospatu dute

40 emakume bildu ziren martxoaren 8ko afarian eta ipuin kontaketa musikatua izan zen martxoaren 9an 

Leitza, Goizueta, Areso eta Aranoko Gizarte Zerbitzuek antolatuta, Emakume Langilearen Nazioarteko Egunaren harira martxoaren 8an 40 bat emakume bildu ziren Goizuetako Umore Ona elkartean, giro ederrean afaltzera. Biharamunean, Amaia Elizagoien eta Olaia Inziarte baztandarren eskutik Zazpiak oihal batetik helduentzako ipuin kontaketa musikatu gustagarria izan zen Udaletxeko ganbaran.

Emakumearen Eguna Goizuetan

  Gizartea  Leitzaldea  Goizueta

»» Ikusi argazki guztiak (11)

Nabarmenak

Zorion agurrak