Pastoraleko lanak banatzeko boluntarioak behar dituzte Etxalarren

  Kultura  Bortziriak  Etxalar

Pastoraleko lanak banatzeko boluntarioak behar dituzte Etxalarren

Kultur Etxe sarrerako kortxoan eman daiteke izena

Karmen Etxalarkoa Pastoralaren entsegu eta prestaketekin aitzinera doaz etxalartarrak, eta lanak banatzeko beharra ikusten da. Honen aitzinean lan taldeak banatu dira denen artean lanak errazago egiteko asmoarekin. 

Legeak egitea eta betetzea

  Iritzia  Bortziriak  Etxalar

Hara legearen tranpa. Legearen ustezko santutasuna, eta ondoriozko nagusitasuna agintarien botere makila bilakatzen da dira. Legeak eurek sortu, eurek aldatu, eta betearazi edo ez betearazi eurek erabakitzen baitute.

Karmen Etxalarkoa pastorala prestatzen hasiak dira Etxalarren

  Kultura  Bortziriak  Etxalar

Karmen Etxalarkoa pastorala prestatzen hasiak dira Etxalarren

Irailaren 16an eta 17an ehun jokalari baino gehiagok eskainiko dute herri-antzerkia

Prosper Merimée-k idatzitako Carmen nobelan inspiratutako Karmen Etxalarkoa Pastorala prestatzen hasiak dira Etxalarren. Martxoaren 2an Etxalarko Kultur Etxean egindako agerraldian, datorren irailaren 16an eta 17an egitekoa den herri-antzerki jendetsuaren inguruko xehetasunak eman zituzten Migel Mari Irigoien Etxalarko alkateak, Karmen Etxalarkoa Pastorala elkartearen ordezkariek, Gerardo Munguia pastoralaren idazleak eta Pantxika Urruty zuzendariak.

Etxalarko hilarriei buruzko liburua argitaratu du Pello Apezetxeak

  Kultura  Bortziriak  Etxalar

Etxalarko hilarriei buruzko liburua argitaratu du Pello Apezetxeak

 ‘Joandakoen oroigarriak; Etxalarko hilarriak’ izenburupean hainbat jakingarri bildu ditu Etxalarko apezak 

Urte berrian ere liburu berria besazpian hartuta heldu zaigu Pello Apezetxea Zubiri, Etxalarko erretorea. ‘Joandakoen oroigarriak; Etxalarko hilarriak’ izenburupean,  hildakoak gogoratzeko Euskal Herrian eta Etxalarren bereziki erabili diren trikuharri, harrespil eta, Etxalarko eliza inguruan hain dotore ageri diren hilarren inguruko liburua idatzi eta argitara eman du.

Ia 140 dozena uso harrapatu dituzte sasoi honetan Etxalarko Usategietako sareetan

  Gizartea  Bortziriak  Etxalar

Ia 140 dozena uso harrapatu dituzte sasoi honetan Etxalarko Usategietako sareetan

Historian lehen aldiz, Pirinio osoan sarez harrapatzen dituzten 9 usategietan gehien harrapatu dutenak izan dira

Joan den igandean, azaroaren 20an bukatu zen 2016ko Etxalarko sarezko uso harrapaketa tradizionalaren denboraldia. Azken urteetako hoberena izan da aurtengoa, izan ere 139 dozena + 8 uso harrapatu dute saretan eta kopuru hau ez zen 2007. urtetik emana. Iazko kopurua bikoiztu da aurten, 60 dozena bakarrik hartu baitziren. 

Etxalarko Usategietako denboraldia urriaren 1ean abiatu da

  Gizartea  Bortziriak  Etxalar

Etxalarko Usategietako denboraldia urriaren 1ean abiatu da

Bisita gidatuak ere eskainiko dituzte azaroaren 20ra bitarteko larunbat, igande eta besta egunetan

Urriaren 1ean, hasi da 2016ko Etxalarko Usategietako sare bidezko uso harrapaketa sasoia eta bertan lan egiten duten 12 usazaleak goiz goizetik han izan ziren sasoia prestatzen. Egun berean, tradizio xahar hau ezagutzeko bisita gidatuak ere martxan jarri dira, aurtengoarekin 14 urte betetzen direlarik bisitak hauek antolatzen hasi zirenetik. Urtero bezala, urriaren 1a eta azaroaren 20a bitarteko larunbat, igande eta besta egunetan burutuko dira bisitak. Irteera goizeko 11:00etan izanen da.

Usategietako tradizioaren besta ospatu dute igandean Lizarietan

  Gizartea  Bortziriak  Etxalar

Usategietako tradizioaren besta ospatu dute igandean Lizarietan

Etxalar eta Sarako udalen arteko 2011ko hitzarmena berretsi zuten eta Munduko III. karote botatzeko txapelketan, iaz bezala, Daniel Calvet saratarra nagusitu zen.

Usategietako tradizioaren besta irailaren 25ean, igandean ospatu zen Lizarieta inguruan eta berriz ere, saratarrak eta etxalartarrak elkartzen dituen mugan bi herrietako ordezkaritza zabala bildu zen. Duela bortz urte sinatutako ehizari buruzko hitzarmena berretsi zuten Migel Mari Irigoien eta Battite Laborde alkateek eguerdian, Isabel Elizalde Nafarroako Gobernuko Landa Garapen, Toki Administrazio Ingurumen eta Lurralde Antolaketarako kontseilaria lekuko zutela, baina bertze hainbat ekitaldi izan ziren.

Giro ederrean joan dira Urritzokietako bestak Etxalarren

  Gizartea  Bortziriak  Etxalar

Giro ederrean joan dira Urritzokietako bestak Etxalarren

Bertze urte batez umore onik ez zen faltatu Etxalarko Urritzokieta auzoko bestetan. Irailaren 18an 60 lagun inguru elkartu ziren Sainduneko zubian egin zuten Asauan. Igande arratsaldean egin zituzten jokuak ere hagitz arrakastatsuak izan ziren. Ilunabarreko musika eta gaueko afariarekin hurrengo urtera arte agurtu zituzten bestak.

Urritzokietako bestak Etxalarren

  Gizartea  Bortziriak  Etxalar

»» Ikusi argazki guztiak (6)

Etxalarko Usategien enkantean behin betiko esleipenak eman dituzte irailaren 13an

 Bortziriak  Etxalar

Etxalarko Usategien enkantean behin betiko esleipenak eman dituzte irailaren 13an

Denera 36.255 euro jasoko ditu Etxalarko Udalak azkenean

Etxalarko Iarmendiko Usategietako ehiza postuen bigarren enkantea egin zen irailaren 13an, astearte arratsaldean. Zehazki, sesta emandako 12. eta 21. postuak eta lehenbiziko enkantean hutsean gelditu ziren bertze sei postu ere sartu ziren bigarren enkante horretan. Azkenean, 36.255 euro bilduko ditu Etxalarko Udalak, hasierako prezioa baino 2.710 euro gehiago.

Urritzokietako bestak ospatuko dituzte egunotan Etxalarren

  Gizartea  Bortziriak  Etxalar

Urritzokietako bestak ospatuko dituzte egunotan Etxalarren

Irailaren 14an ospatuko dute Santa Krutz eguna eta igandean ere izanen dira ekitaldiak 

Etxalarko Urritzokieta auzoan Santa Krutz bestak ospatuko dituzte. Irailaren 14an, asteazkenean da Santa Krutz eguna eta zenbait ekitaldi antolatu dituzte, baina beti bezala, ondoko iganderako ere utzi dituzte bertze batzuk.

Etxalarko usategietako postuen lehenengo enkantean 30.130 euro bildu dira

  Gizartea  Bortziriak  Etxalar

Etxalarko usategietako postuen lehenengo enkantean 30.130 euro bildu dira

Hamar postu hasierako prezioan eman dira eta sei hutsik gelditu dira momentuz

Irailaren 3an, larunbat eguerdian egin zen Etxalarko Usategietako postuen lehen enkantea. Ehiztari gutti bildu ziren eta guttik hobetu zituzten hasierako prezioak. Horren erakusgarri 21 postuetatik 10 hasierako prezioan eman ziren, inolako igoerarik gabe, eta bertze sei hutsik gelditu ziren. 

Errefusa zaborrontziaren tapa berria estreinatu dute Etxalarren, Nafarroan aitzindaria

 Bortziriak  Etxalar

Errefusa zaborrontziaren tapa berria estreinatu dute Etxalarren, Nafarroan aitzindaria

Edukiontziari tapa ttikiagoa paratu diote eta gisa honetara, bertara hondakin guztiak nahasita bota daitezen saihestu nahi du Bortzirietako Hondakinen Mankomunitateak.

Etxalarko Usategien enkantea eginen da irailaren 3an

  Gizartea  Bortziriak  Etxalar

Etxalarko Usategien enkantea eginen da irailaren 3an

Etxalarko udalak enkante irekia eginen du aurtengo ehizaldirako Iarmendiko barrutian dauden usategiak errentan jartzeko.  Enkantea Herriko Etxean eginen da irailaren 3an, eguerdiko 12:00etan ahozko eskaintzen bidez. 21 ehiza postuen bidez 33.525 euro biltzea espero du Udalak.

Zaborrontzi berdearen tapa berria ailegatu da Etxalarrera

  Gizartea  Bortziriak  Etxalar

Zaborrontzi berdearen tapa berria ailegatu da Etxalarrera

Hondakinen inguruko hitzaldi informatiboa eskainiko dute adituek uztailaren 28an Etxalarko frontoian

Bortzirietako Hondakinen Mankomunitateak Etxalar, herri eredugarri! lelopean martxan duen kanpaina une garrantzitsu batera ailegatu da. Orain arte, lorategietako eta kimaketa hondarrak botatzeko gunea egokitu da, hondakin bereziak biltzeko "Garbigune ttikia" izeneko etxola jarri da, karakterizazioa eta pisaketak egin dira, auzo konpostagune berria muntatu da eta etxez etxe bizilagun guztiei bixitak egin zaizkie. Hurrengo urratsa zaborrontzi berdeei tapa ixtea izanen da eta tapa txikia paratzea. Horregatik, Etxalarko zaborrontzi berde guztiak aldatuko dira. Honekin lortu nahi dena da hondakinak nahasita botatzen ez segitzea eta birziklapen tasak handitzea.

 

Orabideko Pello Pegneguyk irabazi du Etxalarko XXIV. Gasna Lehiaketa

  Gizartea  Bortziriak  Etxalar

Orabideko Pello Pegneguyk irabazi du Etxalarko XXIV. Gasna Lehiaketa

Hamabortz gasna aurkeztu ziren lehiaketara eta lehen aldiz egindako ahari lehiaketan Olazarkoa nagusitu zen

Ekainaren 5ean ospatu zen Altxatak antolatutako XXIV. gasna feria. Eguraldi ederra lagun, jende aunitz ibili zen egun guzian zehar herrian.

Etxalarko XXIV. Gasna Feria

  Gizartea  Bortziriak  Etxalar

»» Ikusi argazki guztiak (39)

Etxalarko edukiontzi berdeetan biltzen den %90 birziklagarria da

  Gizartea  Bortziriak  Etxalar

Etxalarko edukiontzi berdeetan biltzen den %90 birziklagarria da

Herri eredugarri bihurtzeko kanpainaren baitan, auzo konposta egiteko ontziak banatuko dituzte ekainaren 2an, goiz eta arratsaldez Bekolandako konpostagunearen ondoan

Bortzirietako hondakinen Mankomunitatea Etxalar, herri eredugarri/Etxalar, pueblo ejemplar lelopean egiten ari den kanpainaren barrenean, maiatzaren 3an errefusako lau edukiontzien karakterizazioa egin zuen Etxalarko plazan. Bereizi eta pisatu ziren 102 kiloetatik 9,85 bakarrik zeuden ongi edukiontzi berdean.

Ehun urte bete ditu Etxalarko Salvadora Arburuak

  Gizartea  Bortziriak  Etxalar

Ehun urte bete ditu Etxalarko Salvadora Arburuak

Maiatzaren 30ean jaso du lore-xorta herriaren izenean, alkatearen eskutik

Etxalarko Perukiñeneko Salvadora Arburua Arribillagak ehun urte bete ditu maiatzaren 30ean. Miguel Mari Irigoien Etxalarko alkateak lore sorta bat oparitu eta zoriondu du. Herriko bertze emakume batek, Arroseko Maria Huartek 102 urte beteko ditu abenduan, baina Errenterian bizi da. 

Nabarmenak

Zorion agurrak