Tantirudantza jaialdia apirilaren 2an ospatuko dute Lesakan

  Kultura  Bortziriak  Lesaka

Tantirudantza jaialdia apirilaren 2an ospatuko dute Lesakan

Herriko dantzari ttikiekin batera, Bera, Zumaia, Getaria eta Lezokoak ere ariko dira dantzan

Lesakako Tantirumairu euskal folklore taldeak antolatutako Tantirudantza jaialdia eginen dute apirilaren 2an. Herriko dantzari ttikiekin batera, Berako Gure Txokoa, Zumaiako Txori Txiki, Getariko Gure Txeru eta Lezoko Murixka taldetakoak izanen dira. 

Haur kantarien topaketa eginen dute bigarren urtez Lesakan apirilaren 1ean

  Kultura  Bortziriak  Lesaka

Haur kantarien topaketa eginen dute bigarren urtez Lesakan apirilaren 1ean

Larunbatean 18:00etan San Martin elizan 

Joan den urtean egin zuten moduan, Imanol Elizasurekin batera emanaldi berezia prestatzen ari dira Bortzirietako eta Baztango haur kantariak, apirilaren 1ean, 18:00etan San Martin elizan eskainiko duten Baztan-Bidasoko haur kantarien topaketa emanaldirako.

Eneko Fernandez nagusitu da Agoitzen, eta osatu da Nafarroako Bertsolari txapelketako finalisten zerrenda

  Kultura  Bortziriak  Lesaka

Eneko Fernandez nagusitu da Agoitzen, eta osatu da Nafarroako Bertsolari txapelketako finalisten zerrenda

Apirilaren 8an Iruñeko Anaitasuna kiroldegian jokatuko den final handirako txartela lortu du Lesakako bertsolariak. Harekin batera, Julio Soto, Xabi Maia, Eneko Lazkoz, Aimar Karrika, Ander Fuentes 'Itturri', Xabier Terreros eta Julen Zelaieta egongo dira Anaitasunako oholtzan.

Nafarroako Haur eta Gaztetxo kantari jaialdi arrakastatsua egin dute Lesakan

  Kultura  Bortziriak  Lesaka

Nafarroako Haur eta Gaztetxo kantari jaialdi arrakastatsua egin dute Lesakan

163 abeslari, 23 musikari eta 500 ikus-entzule baino gehiago elkartu dira larunbat arratsaldean Harriondoa Kultur Etxean

Nafarroako haur eta gaztetxo kantari jaialdien hirugarren saioa egin dute larunbat arratsaldean Lesakako Harriondoa Kultur Etxean, Euskal Kantuzaleen Elkarteak antolatuta. Emanaldi bikoitza izan da, arrakastatsua eta gozatu ederra hartu dute bertan elkartu diren 163 abeslarik, 23 musikarik eta bi emanaldietan Txokobiko aretoa lepo bete duten 500 ikusentzule baino gehiagok. 

Sutagar taldeak kontzertua eskainiko du maiatzaren 20an Lesakan

  Kultura  Bortziriak  Lesaka

Sutagar taldeak kontzertua eskainiko du maiatzaren 20an Lesakan

Harriondoa Kultur Etxean eskainiko duten emanaldirako sarrerak salgai daude

Sutagar taldeak ‘Maitasunari pasioa’ bere azken diska aurkezteko egiten ari den Antzokietan 2017 birako kontzertu bat maiatzaren 20an eskainiko du Lesakako Harriondoa Kultur Etxean, larunbatean 20:00etan. Sarrerak 18 eurotan salgai daude Lesakako Telletxea estankoan, Legarra eta Xagu liburudendetan eta Zialdo ostatuan.

62 lagunek parte hartu zuten martxoaren 11n Lesakan egindako Mintza Txotx! saioan

  Gizartea  Bortziriak  Lesaka

62 lagunek parte hartu zuten martxoaren 11n Lesakan egindako Mintza Txotx! saioan

Solaslagunek, Mintzalagunek eta Mintzakideek Linddurenbordako sagardotegian bat egin zuten

Jada laugarren ikasturtea dute Nafarroako solaslagun, mintzalagun eta mintzakideek Lesakarat joaten direla, Linddurrenborda sagardotegian egiten den topaketara. Normalean, Iruñerritik, Lizarra aldetik eta eskualdetik animatu ohi dira, baina aurtengoan gonbitea Gipuzkoaldeko kideei luzatu diete eta haiek onartu! Honela bada, aurtengoan Hondarribikoak eta Irungoak ere nafarrekin batera aritu dira Mintza Txotx! Egunean. 

Berriz ere podiumera igoz bukatu du Euskadiko txapelketa Beti Gazte sokatira taldeak

  Kirola  Bortziriak  Lesaka

Berriz ere podiumera igoz bukatu du Euskadiko txapelketa Beti Gazte sokatira taldeak

560 kiloko kategorian hirugarren izan dira lesakarrak Laukizen (Bizkaia)

Euskadiko goma gaineko sokatira txapelketan, gizasemeen 560 kiloko txapelketa erabaki zen martxoaren 11n, Laukizen (Bizkaia) jokatutako saio bakarrean. Etxean 600 kilotan azpitxapeldun izan ondotik, Lesakako Beti Gazte sokatira taldeak berriz ere podiumera igotzea lortu zuen, hirugarren izan baitzen.

Jon Olaizola pilotari lesakarrak Euskal Liga irabazi du

  Kirola  Bortziriak  Lesaka

Jon Olaizola pilotari lesakarrak Euskal Liga irabazi du

Martxoaren 12an Mungian jokatutako senior mailako buruz buruko finalean 22-14 irabazi zion Madariagari 

Martxoaren 12an jokatu zen Mungian Euskal Liga pilota txapelketako finala, senior kategoriako buruz buruko finalean. Bortziriak taldeko Jon Olaizola lesakarrak 22-14 irabazi zion Mungiako Danak Bat elkarteko Madariagari.

Aita eta aitatxien eguneko bazkaria prestatu du Lesakako jubilatu elkarteak

  Gizartea  Bortziriak  Lesaka

Martxoaren 19an eginen dute San Fermin elkartearen egoitzan

Lesakako San Fermin jubilatu eta pentsionisten elkarteak antolatuta, urteroko moduan aita eta aitonaren eguneko bazkaria eginen dute martxoaren 19an, 14:00etan elkartearen egoitzan. Txartelak ostatuan har daitezke 20 euro ordainduz eta izena emateko epea martxoaren 15ean bukatuko da. Guttienez 5 lagun elkartu beharko dira bazkaria egiteko.

Sanferminetako kartel eta programaren azal lehiaketak deitu ditu Lesakako Udalak

  Kultura  Bortziriak  Lesaka

Sanferminetako kartel eta programaren azal lehiaketak deitu ditu Lesakako Udalak

Lanak apirilaren 7ra bitarte aurkez daitezke eta herri bozketaren bidez aukeratuko dira irabazleak

Lesakako Udalak, 2017ko Sanferminetako programaren azala eta bestak iragarriko dituen kartela aukeratzeko lehiaketa deitu du, Lesakan jaio edota bertan bizi direnentzat. Lanak udal bulegoetan aurkezteko epea apirilaren 7ko 13:00etan akautuko da, lehiaketa hauetan ohikoa den sistema erabiliz. 

Beti Gazte azpitxapeldun izan da Euskadiko 600 kiloko sokatira txapelketan

  Kirola  Bortziriak  Lesaka

Beti Gazte azpitxapeldun izan da Euskadiko 600 kiloko sokatira txapelketan

Martxoaren 4an Lesakan jokatutako finalean Gipuzkoako Ibarra nagusitu zen

Euskadiko goma gaineko sokatira txapelketako 600 kiloz beheitiko kategoriako finala jokatu zen martxoaren 4an Lesakako udal pilotalekuan. Beti Gazte taldea ligaxkan puntu gehien pilatuta sartu zen finalean, baina azkenean bigarren izan zen, Gipuzkoako Ibarraren gibeletik. Bizkaiako Sokarri taldeak osatu zuen podiuma.

Zalain lantegia zabaltzeko ingurumen baimena bertan behera uzteko epaia berretsi du Auzitegi Gorenak

  Gizartea  Bortziriak  Lesaka

Zalain lantegia zabaltzeko ingurumen baimena bertan behera uzteko epaia berretsi du Auzitegi Gorenak

Lesakako auzoko bizilagun batzuk etxebizitzari eragiten dion zarataren emisioa kontuan hartzea eskatu zuten eta Nafarroako Justizia Auzitegi Nagusiak bezalaxe, arrazoia eman diete Auzitegi Gorenak

Nafarroako Justizia Auzitegi Nagusiak emandako epaiak bere garaian Zalain lantegiko instalazioak handitzeko Nafarroako Gobernuak onartu zuen ingurumen baimena bertan behera utzi zuen 2015eko abenduan. Lesakako auzoan bizi den familia batek demanda aurkeztua zuen, beraien etxebizitzari eragiten zion zarataren emisioa zuzendu zezan enpresak. Nafarroako Gobernuak eta familiak errekurtsoa jarri zuten eta orain azken honi arrazoi eman dio Auzitegi Gorenak.

Mintza Txotx sagardotegiko bazkaria eginen dute Nafarroako solaslagunek martxoaren 11n Lesakan

  Gizartea  Bortziriak  Lesaka

Mintza Txotx sagardotegiko bazkaria eginen dute Nafarroako solaslagunek martxoaren 11n Lesakan

Izen emateko epea martxoaren 8a artio irekia dago

Eskualdeko Solaslagunak, Iruñerriko eta Lizarbeibarko Mintzakideak eta Baztan-Bidasoako Euskaltegiak antolatua, Mintza Txotx sagardotegiko bazkaria eginen dute martxoaren 11n Lesakako Linddurrenborda sagardotegian. Izen emateko epea martxoaren 8ª artio zabalik dago.

Nafarroa Oinezek antolatutako Bikin batin duatloirako izen emateko epea irekia dago

  Kirola  Bortziriak  Lesaka

Nafarroa Oinezek antolatutako Bikin batin duatloirako izen emateko epea irekia dago

20 kilometro mendi bizikletan eta 13 kilometro lasterka eginen dituzte apirilaren 29an Lesakan 

2017ko Nafarroa Oinezeko urteko jardueren baitan, kirol proba berezia antolatu dute apirilaren 29rako Lesakan: Bikin batin duatloia. Nafarroa Oinezeko leloari lotuta, kirolariek bi modalitaterekin proba bat eginen dute hemen ere eta 20 kilometro inguruko ibilbidea mendi bizikletan (854 metroko desnibel positiboa) eta 13 kilometrokoa lasterka (450 metroko desnibela) osatu beharko dute bikoteka.

Beti Gazte bigarren izan da Euskal Herriko sokatira txapelketako 600 kiloko lehen jardunaldian

  Kirola  Bortziriak  Lesaka

Beti Gazte bigarren izan da Euskal Herriko sokatira txapelketako 600 kiloko lehen jardunaldian

640 kiloko finala oinetakoekin arazorik izan ez zuten hiru taldeek bakarrik jokatu zuten igandean

Euskal Herriko goma gaineko sokatira txapelketan, 600 kiloko lehen jardunaldia jokatu zuten otsailaren 11n, larunbat arratsaldean Bermeon. Beti Gazte bigarren izan zen eta martxoaren 4an Lesakan bertan jokatuko den finalerako sailkatzeko urrats handia eman zuen.

Tobera tailerra eta bertso trama arrakastatsuarekin abiatu du kultur programazioa Lesakako Nafarroa Oinezek

  Kultura  Bortziriak  Lesaka

Tobera tailerra eta bertso trama arrakastatsuarekin abiatu du kultur programazioa Lesakako Nafarroa Oinezek

Musika eta historiaren memoria landu dute urteko lehen jarduera nagusian

Oiartzun eta Lesakak bat egin dute Lesakako Nafarroa Oinez 2017ko aurreneko kultura ekimenetan, herritarrek gogoz erantzun baitzuten larunbat arratsaldean Aiako Harrien Oiartzungo magalean egindako bi jardueretan. 

Juanjo Etxabeguren margolariaren lanak Lesakan ikusgai dayde otsailaren 10etik martxoaren 12ra

  Kultura  Bortziriak  Lesaka

Juanjo Etxabeguren margolariaren lanak Lesakan ikusgai dayde otsailaren 10etik martxoaren 12ra

Ortzirale arratsaldean egin zuten inaugurazioa Taupadak gunean eta margolariarekin egoteko aukera izan zen

Juanjo Etxabeguren (Irun, 1959) margolariaren erakusketa zabalik da Lesakako Taupadak arte eta artisautzaren gunean otsailaren 10etik martxoaren 12ra. Bihotzkada Kolektiboak antolatutako erakusketaren inaugurazioa otsailaren 10ean egin zuten, margolaria bertan zela.

Frankismoan Agiñako errepidea eraikitzera behartutako Trabajadoreen inguruko bertso trama antolatu du Nafarroa Oinezek

  Kultura  Bortziriak  Lesaka

Frankismoan Agiñako errepidea eraikitzera behartutako Trabajadoreen inguruko bertso trama antolatu du Nafarroa Oinezek

Otsailaren 11n Arritxulon eginen den bertso saioaren aitzinetik, tobera tailerra eginen dute Arditurrin

Aiako Harriak eta Agiña mendialdeko natura ingurua aukeratu ditu Lesakako Tantirumairu ikastolak Nafarroa Oinez 2017ko lehenbiziko ekimen kulturalak egiteko. Bi dira ekimenak, biak ere inguruari eta memoriari lotutakoak: Lesakako Agiña mendiko errepidea eraiki zuten Trabajadoreak -Frankismoko preso eta langile behartuak- ardatz hartuta osatu du bertso trama ikastolak. Langile haiek lanean aritutako leku berean arituko dira kantuan bertsolariak. Non, eta zehazki, langile hauen barrakoietako bat zegoen Arritxulon (Lesaka eta Oiartzungo mugan, Aiako Harrien ondoan). Esklabu horien lekuan arituko dira Amets Arzallus, Andoni Egaña, Alaia Martin eta Eneko Fernandez bertsolariak. Bertzetik, bertso tramaren aitzinetik, tobera tailerra eskainiko du Soinuenea fundazioak Arditurrin, meategiei lotutako musika tresna izaki. Oiartzunen eta Lesakan toberak jotzeko ohiturari eutsi baitzitzaion, Euskal Herrian leku bakanetakoak.

Nabarmenak

Zorion agurrak