Ahari onenak saritu eta urteko gasna moztu dute Elizondoko Udaberriko Ferian

  Gizartea  Baztan  Elizondo

Ahari onenak saritu eta urteko gasna moztu dute Elizondoko Udaberriko Ferian

Arraiozko Sagrario Urrozek eta Almandozko Begoña Etxalarrek lortu zituzten lehen sariak eta Etxetxipiko Maria Jesus Larretxeak moztu zuen urteko gasna 

Elizondoko Udaberriko Feria egunean, ahari lehiaketaren hemeretzigarren edizioa burutu zen apirilaren 21ean. Azken bi urteetan bezala, Arraiozko Xuntenera eta Almandozko Etxotora joan dira aurten ere sari nagusiak. Ahari lehiaketaz gain, urteko gasnari lehen kortea eman zion Etxetxipiko Maria Jesus Larretxeak.

Berroeta-Abartan-Saioa mendi lasterketa eginen dute lehen aldiz ekainaren 18an

  Kirola  Baztan  Berroeta

Berroeta-Abartan-Saioa mendi lasterketa eginen dute lehen aldiz ekainaren 18an

Parte hartzeko izen ematea apirilaren 20tik ekainaren 5era ireki da

Berroeta-Abartan-Saioa mendi lasterketa antolatu du lehen aldiz Berroetako herriak, Baztango Udalaren eta Basaburua Kirol Taldearen laguntzaz ekainaren 18an. Izen emateko epea apirilaren 20tik ekainaren 5era ireki da.

Elizondoko bestetako kartel lehiaketa eginen dute aurten ere

  Gizartea  Baztan  Elizondo

Elizondoko  bestetako kartel lehiaketa eginen dute aurten ere

Lanak ekainaren 2a baino lehen aurkeztu beharko dira Herriko Etxeko buzoian

Elizondoko Herriak bestetako kartel lehiaketa antolatu du aurten ere. Lehiaketa irekia izanen da eta nahi adina lan aurkezten ahal izanen dira. Ondoko testua agertu beharko da: Santioak 2017 Elizondoko bestak, Uztailaren 24tik 28ra. Ekainaren 2a baino lehen aurkeztu beharko dira.

Menditarrak BRT taldearen Rugbyaren gaupasa maiatzaren 6an eginen dute Larraintzarren

  Gizartea  Baztan

Menditarrak BRT taldearen Rugbyaren gaupasa maiatzaren 6an eginen dute Larraintzarren

Zikiro afarirako txartelak salgai daude Baztan, Ultzama eta Donezteben

Menditarrak BRT errugbi taldearen rugbyaren gaupasa hamalaugarren urtez eginen da aurten, maiatzaren 6an Larraintzarren (Ultzama). Inguruan errugbiaren kirol eskaintza mantentzeko behar beharrezko oinarri ekonomikoa da ospakizuna, antolakuntzan zailtasunak eta eskakizunak areagotuz bait doaz urtez urte. Afarirako txartelak salgai daude maiatzaren 3a arte Baztango Kasinon, Ultzamako Larraintzarko Ostatuan, Doneztebeko Titin eta Iturengo Herriko Ostatuan. 

Belate eta Almandozko tunelak eraberritzeko proiektuaren aurreko azterlan geoteknikoaren kontratazioa baimendu dute

  Gizartea  Baztan

Belate eta Almandozko tunelak eraberritzeko proiektuaren aurreko azterlan geoteknikoaren kontratazioa baimendu dute

Gainera, presazkotzat jo dute lan horiek eragindako ondasunen eta eskubideen okupazioa

Nafarroako Gobernuak, apirilaren 12ko saioan, Belate eta Almandozko tunelak eraberritzeko proiektuaren aitzinetik egin beharreko azterlan geoteknikoaren kontratazioa baimentzen duen erabakia hartu du. Kontratazio horren zenbatekoa 1.524.202 eurokoa da. Proiektu horretan sartzen da ingurumenarekiko afekzioen azterlana, ingurumen-balio bereziko zonan egingo baitira lanok. 

Bazken aldizkatze ikastaroa eginen dute Anizen apirilaren 29an

  Ekonomia  Baztan  Aniz

Bazken aldizkatze ikastaroa eginen dute Anizen apirilaren 29an

Hazitik Hozie elkarteak antolatu du Baztango agroekologia eskola herritarraren barnean eta Anizko Aitor eta Mikel Azkarate anaiek eskainiko dute Jauregian

Baztango agroekologia eskola herritarraren barnean Hazitik Hozie elkarteak bazken aldizkatzeari buruzko ikastaroa antolatu du. Aldizkatze teknikak lurrari lotutako abeltzaintzarako beharrezkoak dira, tokiko baliabideetarat egokitutako manejuak direlako. Anizko Aitor eta Mikel Azkarate nekazaritza ekologikoaren bidetik bazken aldizkatze teknikekin ari dira eta ikastaro honetan, beraiek ikasitakoa interesa duten guztiekin elkarbanatuko dute. 

Estresa eta antsietatea gainditzeko tailerra eskainiko dute Elizondon

  Gizartea  Baztan

Apirilaren 27an eta maiatzaren 4 eta 11n Osasun Etxean

Estresa eta antsietatea gainditzeko tailerra antolatu dute Elizondoko Osasun Etxeak. Apirilaren 27 eta maiatzaren 4 eta 11n eskainiko dute Osasun Etxeko erabilera anitzeko gelan, 16:00etatik 18:30 arte.

Udal eraikinetan energia eraginkortasuna lortzeko neurriak ezartzeko teknikari laguntzailea kontratatuko du Baztango Udalak

  Gizartea  Baztan

Dokumentazioa apirilaren 20rako aurkeztu beharko da eta aukeratutako pertsona sei hilabeterako lanean hasiko da maiatzaren 2an

Udal eraikinetan eta instalazioetan energia eraginkortasuna lortzeko neurriak ezartzeko teknikari laguntzailea kontratatuko du Baztango Udalak, mantentze elektriko arlokoa, sei hilabeteko kontratuarekin. Dokumentazioa aurkezteko epea apirilaren 20an akituko da eta aukeratutako pertsona maiatzaren 2an lanean hastea aurreikusten da. Baztango bizilagunei zuzendutako deialdia da.

Azken urtean lorturiko konposta banatu du Baztango Udalak

  Gizartea  Baztan

Azken urtean lorturiko konposta banatu du Baztango Udalak

Urtean zehar auzo konposta guneetatik ateratzen joan den composta banatu zuen Baztango Udalak joan den ortziralean

Joan den urtean bezala, aurtengoan ere urtean zehar auzo konposta guneetatik atera eta bertatik jendeak eraman ez duen konposta Loizun bilduz joan da Baztango Udala eta joan den astean deialdi berezia egin zen jendeak ongarri organiko hau bertatik hartzeko aukera eskainiz.

Baztango Udaberriko pilota txapelketaren finalak jokatu dituzte apirilaren 9an

  Kirola  Baztan

Baztango Udaberriko pilota txapelketaren finalak jokatu dituzte apirilaren 9an

Txaruta elkarteak antolatutako 27. edizioko azken partidak igande goizean jokatuko dituzte Elizondoko Baztan udal pilotalekuan eta Amaiurko Gure Ametsa pilotalekuan

Txaruta elkarteak 27. aldiz antolatutako Udaberriko txapelketako finalak apirilaren 9an jokatuko zituzten Elizondoko Baztan Udal pilotalekuan eta Amaiurko Gure Ametsa pilotalekuan. Denera 130 bikote aritu dira txapelketa honetan eta Abel Barriola izan zen sari banaketan, bertze behin bere gizatasun handia erakutsiz.

Haur-gazte kantarien VI. Topaketa Iruritan eginen dute Iruritan

  Kultura  Baztan  Irurita

Haur-gazte kantarien VI. Topaketa Iruritan eginen dute Iruritan

Tailerra eginen dute maiatzaren 6an eta kontzertua maiatzaren 20an

Elizondoko abesbatza bere 75. urteurrena ospatzen ari da aurten. Prestatu dituzten ekitaldien artean, Haur-gazte kantarien VI topaketa eginen dute Iruritan, Josu Elberdin musikariarekin. 

'Landa eremua eta Baztan literaturak kontatua' liburuxka argitara eman du Elurre Iriartek

  Kultura  Baztan

'Landa eremua eta Baztan literaturak kontatua' liburuxka argitara eman du Elurre Iriartek

Baztango paisaia ez dela natura bakarrik azpimarratu nahi du egileak, «paisaia guk egiten dugu, guk idazten dugu»

Elurre Iriarte Bañez arizkundarrak Landa eremua eta Baztan literaturak kontatua liburuxka argitara eman du, Metaziri talde argitaratzailearen eskutik. Liburuxka 3,50 eurotan salgai jarri dute Arizkungo Dolaetxea eta Lupen, Erratzuko Altxuko dendan eta Zubi Puntan, Elizondoko Axularren, Oronozko  Oskorrin, Iruñeko  Karrikiri eta Katakrak-en eta Donostiako Hontzan.

Elizondoko Casinoren lurra Baztanena dela erran du epai batek

  Gizartea  Baztan  Elizondo

2015eko sententzia zuzendu du Nafarroako Auzitegi Nagusiak udalaren alegazioari arrazoi emanez

Nafarroako Auzitegi Nagusiak aste honetan argitaratutako ebazpenean Elizondoko Casino elkartea dagoen lurra baztandarrena dela erran du. Modu horretan, 2015ean argitaratutako sententzia zuzendu eta  udalak paratutako errekurtsoari arrazoia eman dio, bidenabar erranez, Casino elkarteak ezin izan duela frogatu eraikina dagoen lurra beraiena denik. 

‘Baratze Hezitzailea, herriko haurren baratzea’ proiektua abiatu dute aurten ere Elizondon

  Gizartea  Baztan  Elizondo

‘Baratze Hezitzailea, herriko haurren baratzea’ proiektua abiatu dute aurten ere Elizondon

Elizondoko eskolako eta Baztan Ikastolako ikasleak, irakasleak eta laguntzeko prest dauden gurasoak ariko dira

Apirilaren 6tik aitzinera, bigarren urtez segidan,  Elizondoko Herriak utzi duen lur sail batean baratze bat lantzen hasiko dira herriko bi ikastetxeetako hainbat haur Balleko Etxeko langile eta teknikarien laguntzaz. 

Jubilotokia ireki dute apirilaren 3an Elizondon

  Gizartea  Baztan

Arizkunenea Kultur Etxeko lehen solairuan eskainiko dute astelehen astea asteazkenetan 10:00etatik 13:00etara

Jubilotokia adineko jendea elkartzeko eta sozializatzeko tokia da, profesional batek gidatua eta girotua. Apirilaren 3an jarri dute martxan Elizondoko Arizkunenea Kultur Etxeko lehen solairuan, liburutegi zaharrean, Baztango Udalak onartu eta Arkupeak eta Bidelagun elkarteek lagundutako proiektua.

Euriari aurre eginez esne sektorearen defentsan ehunka lagun bildu dira Elizondon

  Gizartea  Baztan  Elizondo

Euriari aurre eginez esne sektorearen defentsan ehunka lagun bildu dira Elizondon

Baztan-Bidasoaldeko 40 gizarte eragile, erakunde eta sindikatuk deitu zuten larunbatean

Landa eremu bizien eta nekazaritza iraunkorraren bidean, esne sektorea ere bizirik behar dugu goiburupean manifestazioa egin zen lard batean Elizondon, Baztan-Bidasoaldeko hainbat sindikatu, gizarte eragile, elkarte eta erakundek deituta. Ehunka lagunek parte hartu zuten euripean, behiak aitzinean zituztela. Aipatzekoa da azken 25 urteotan behi-esplotazioen %80a desagertu dela Baztanen.

Koloneko minbizia prebenitzeko kanpaina abiatu dute Baztanen

  Gizartea  Baztan

50-69 urte bitarteko herritarrei eskutitza eta testa egiteko kit-a etxerat ailegatuko zaie egunotan

Egun hauetan kolon minbizia prebenitzeko kanpaina abiatu da Baztanen. Nafarroako Gobernuaren Osasun Publikoaren institutuaren ekimenez eta Baztango Udalaren laguntzarekin ondoko egunetan 50-69 urte bitarteko herritarrei eskutitza eta testa egiteko kit-a etxerat ailegatuko zaie. Testa egitea erraza da eta norberak bere etxean egiten ahal du; ondotik Elizondoko osasun etxean utzi beharko du.

Baztango Emakumezkoen frontenis txapelketako finalak jokatu dituzte apirilaren 1ean

  Kirola  Baztan

Baztango Emakumezkoen frontenis txapelketako finalak jokatu dituzte apirilaren 1ean

Lehen mailan, Edurne Argain eta Nuria Garate suertatu dira txapeldun eta bigarren mailan, Iera Agirre eta Belen Agerrebere

Apirilaren 1ean jokatu dituzte Elizondoko Baztan udal pilotalekuan emakumezkoen zazpigarren frontenis txapelketako finalak. Lehen mailan, Iruritako Edurne Argain eta Nuria Garate suertatu dira txapeldun, finalean Enara Lasarte eta Oihana Bergarari irabazita. Bigarren mailan, Iera Agirre eta Belen Agerrebere izan dira txapeldun, finalean Belen Cebrian eta Ainara Urrizari irabazita.

Nabarmenak

Zorion agurrak