Xuban Ezeiza eta Laura Sola nagusitu dira Arantzako II. Mendi Lasterketan

  Kirola  Bortziriak  Arantza

Xuban Ezeiza eta Laura Sola nagusitu dira Arantzako II. Mendi Lasterketan

201 korrikalarik osatu zuten 20 kilometroko ibilbide gogorra eta Joseba Larralde eta Jone Zelaieta beratarrak izan ziren lehen bortziritarrak Ekaitzako kaxkoan 

Xuban Ezeiza nagusitu zen igandean Ekaitza elkarteak eta Arantzako Udalak bigarren aldiz antolatutako Arantzako Mendi Lasterketan. 20 kilometro luze eta 1.300 metroko desnibel gogorreko ibilbidea (Arantzako plazatik abiatu eta medikuaren etxetik barna, Zepuru, Ilurdi, Ekaitza, Ibintza eta Oilargata pasatu, eta Aientsatik Arruzpin barna herriko plazara), eguzkipean egiteko, ordubete, 42 minutu eta 53 segundo behar izan zituen. Iazko irabazlea, Berako Joseba Larralde izan zen bigarren zortzi segundora (1:43:01) eta Iñaki Mihura baztandarra hirugarren (1:45:42). Emakumezkoetan Uztarrozko Laura Sola nagusitu zen eta bi ordu baini guttiagi behar izan zituen lasterketa burutzeko(1:58:19). Vanessa Peláez andoaindarra izan zen bigarren (2:09:10) eta Galarko Izaskun Sanz hirugarren (2:24:30). Denera, 201 korrikalari helmugaratu ziren (horietatik 14 emakume), eta bertze 20 batek lasterketa utzi behar izan zuten.

Arantzako II. Mendi lasteketa

  Kirola  Bortziriak  Arantza

»» Ikusi argazki guztiak (4)

Josetxo Ezkurraren omenezko 27. Pilota txapelketan senior mailako final laurdenak jokatu dituzte igandean

  Kirola  Malerreka

Josetxo Ezkurraren omenezko 27. Pilota txapelketan senior mailako final laurdenak jokatu dituzte igandean

Sei kategorietako partidak jokatuko dituzte, Eratsunen, Legasan, Iruritan,  Lesakan, Sunbillan eta Donezteben

Doneztebeko Erreka elkarteak hogeita zazpigarren aldiz antolatutako Josetxo Ezkurra Memoriala eskuz binakako pilota txapelketako seigarren jardunaldia jokatu dute apirilaren 23an. Sei kategoriatako pilotariek izan dute hitzordua eta seniorrak final laurdenak jokatu dituzte.

Baztan futbol talde nagusia buru-belarri sartu da igoerako borrokan

  Kirola  Mendialdea

Baztan futbol talde nagusia buru-belarri sartu da igoerako borrokan

Garaipen argia lortu zuten Giltxaurdin eta Doneztebek, aldiz, galdu

Aste Santuko asteburuaren ondotik, Bazko Astekoa ere atseden izan da Gipuzkoako ligetan ari diren eskualdeko taldeek gehienentzat. Nafarroako ligan talde nagusiek partidak izan dituzte. Futbolean, Baztango talde nagusiak garaipen garbia lortu zuen Giltxaurdin eta berriz ere Hirugarren Mailara bueltatzeko borrokan sartu da buru belarri. Gaur gaurkoz, zuzenean igoko litzake. Doneztebek, aldiz galdu egin zuen. 

Abel Barriola: «Naizen guztia zor diot pilotari»

  Kirola  Leitzaldea  Leitza

Abel Barriola: «Naizen guztia zor diot pilotari»

Hemeretzi urtez profesionaletan aritu ondotik, maiatzaren 7an bukatuko du ibilbidea Abel Barriolak

Badira egia bihurtzen diren ametsak. Eta zer ederragorik ametsa noiz bukatzen den norberak erabakitzea baino? 2016ko abenduaren 2an ­iragarri zuen Abelek binakako txapelketa ­bukatutakoan utziko zuela pilota eta maiatzaren 7an Donostiako Atano III.a pilotalekuan jokatuko du azken partida. TTIPI-TTAPA aldizkariarekin bildu da leitzarra, memoria eta emozioak ­dantzan jarrita, urte hauetako ­ibilbideari ­errepasoa emateko.

Berroeta-Abartan-Saioa mendi lasterketa eginen dute lehen aldiz ekainaren 18an

  Kirola  Baztan  Berroeta

Berroeta-Abartan-Saioa mendi lasterketa eginen dute lehen aldiz ekainaren 18an

Parte hartzeko izen ematea apirilaren 20tik ekainaren 5era ireki da

Berroeta-Abartan-Saioa mendi lasterketa antolatu du lehen aldiz Berroetako herriak, Baztango Udalaren eta Basaburua Kirol Taldearen laguntzaz ekainaren 18an. Izen emateko epea apirilaren 20tik ekainaren 5era ireki da.

Mieltxo Mindegia Urrezko Banakako aizkolari txapelketako kanporaketan ariko da

  Kirola  Malerreka  Zubieta

Mieltxo Mindegia Urrezko Banakako aizkolari txapelketako kanporaketan ariko da

Apirilaren 23an, igandean 12:30ean Arabako Elvillar herrian ariko da zubietarra 

XX. Urrezko Banakako aizkolari txapelketa ‘Eusko Label’ Sariaren baitan, bosgarren jardunaldi-kanporaketa jokatuko da apirilaren 23an, igande eguerdiko 12:30ean Arabako Elvillar herriko Viña Laguardia upategian. Kupel artean ariko diren sei aizkolarietako bat eskualdekoa izanen da, Mieltxo Mindegia zubietarra.

Erreka Tri taldea duatloian Nafarroako azpitxapeldun izan da taldeka

  Kirola  Malerreka  Doneztebe

Erreka Tri taldea duatloian Nafarroako azpitxapeldun izan da taldeka

Hiru talde aurkeztu zituen apirilaren 8an Sarrigurenen

Nafarroako duatloi txapelketan parte hartu zuen Erreka Tri taldeak apirilaren 8an Sarrigurenen. Denera hiru talde aurkeztu zituen Doneztebeko taldeak eta horietako bat azpitxapeldun suertatu zen, Saltoki Triki taldearen gibeletik.

Goizutrailen laugarren edizioak ere bi ibilbide izanen ditu aukeran maiatzaren 20an

  Kirola  Leitzaldea  Goizueta

Goizutrailen laugarren edizioak ere bi ibilbide izanen ditu aukeran maiatzaren 20an

Goizuetan eginen den probarako izen emateko epea zabalik dago

Azken bi urteetako arrakasta ikusita, aurten ere bi ibilbide izanen ditu aukeran Goizutrail mendi lasterketaren laugarren edizioak maiatzaren 20an, bata 10 kilometrokoa eta bestea 25 kilometrokoa. 

Hazi egin da Bertizko Natur Parkeko bisitari kopurua

  Kirola  Bertizarana

Hazi egin da Bertizko Natur Parkeko bisitari kopurua

Ia 85.000 bisitari izan zituen iaz, 15.000 baino gehiago abuztuan 

Iaz hazi egin zen Bertiz Natur Parkeko bisitari kopurua. Guztira, 84.493 lagunek bisitatu zuen 2016an Bertiz, espazio horren natura-balioez eta balio ekologikoez gozatuz, aurreko urtean baino % 5,5 gehiagok. Horixe jakinarazi du parkeko patronatuak apirileko lehen astean egin duen batzarrean; Isabel Elizalde Elizalde Landa Garapeneko, Toki Administrazioetako eta Ingurumeneko kontseilariak hartu du parte batzarrean.

Leitzako herri krosa 2017

  Kirola  Leitzaldea  Leitza

»» Ikusi argazki guztiak (38)

400 parte hartzaile baino gehiago bildu zituen Leitzako Herri Krosak

  Kirola  Leitzaldea  Leitza

400 parte hartzaile baino gehiago bildu zituen Leitzako Herri Krosak

Aitor Mibenza eta Maialen Muñozek irabazi zuten proba nagusia

Apirilaren 8an 39. edizioa bete zuen Aurrera Kirol Elkarteak antola­tzen duen herri krosak. Eguraldi beroari aurre eginez, 400 parte hartzaile pasatxo aritu ziren lasterka, horietatik erdiak baino gehiago haur eta gaztetxoak.

Baztango Udaberriko pilota txapelketaren finalak jokatu dituzte apirilaren 9an

  Kirola  Baztan

Baztango Udaberriko pilota txapelketaren finalak jokatu dituzte apirilaren 9an

Txaruta elkarteak antolatutako 27. edizioko azken partidak igande goizean jokatuko dituzte Elizondoko Baztan udal pilotalekuan eta Amaiurko Gure Ametsa pilotalekuan

Txaruta elkarteak 27. aldiz antolatutako Udaberriko txapelketako finalak apirilaren 9an jokatuko zituzten Elizondoko Baztan Udal pilotalekuan eta Amaiurko Gure Ametsa pilotalekuan. Denera 130 bikote aritu dira txapelketa honetan eta Abel Barriola izan zen sari banaketan, bertze behin bere gizatasun handia erakutsiz.

Oier Ariznabarretak eta Maria Zorrozak irabazi dute Berako XIII. Mendi Maratoi Erdian

  Kirola  Bortziriak  Bera

Oier Ariznabarretak eta Maria Zorrozak irabazi dute Berako XIII. Mendi Maratoi Erdian

Laugarren garaipena segidan lortu zuen Durangokoak eta estreinekoa Gernikako emakumeak

Oier Ariznabarreta (Durango), 1:44:05eko denborarekin, eta Maria Zorroza (Gernika) 2:02:10-ekoarekin, irabazle suertatu ziren apirilaren 9an Berako XIII. Mendi Maratoi Erdian. Ariznabarretak ez zuen arazorik izan gizonezkoetan irabazteko, Beñat Katarainen  (Zegama) eta Jon Ugalderen (Andoain) aurretik hurrenez hurren, Larun mendia punturik altuena zuen (900 metro) eta 2700 metrotako desnibela zeukan 21 kilometrotako ibilbide gogorrean.

Berako Mendi Maratoi Erdia 2017

  Kirola  Bortziriak  Bera

»» Ikusi argazki guztiak (33)

Aurrerak eta Baztanek bakarrik lortu dute garaipena futbol talde nagusien artean

  Kirola  Mendialdea

Aurrerak eta Baztanek bakarrik lortu dute garaipena futbol talde nagusien artean

BTKko neska infantilek gol bakarrarengatik irabazi zieten Errekakoei eskubaloi derbian

Asteburuko kirol jardunaldiari dagokionez, Erreka eta BKTko neska infantilek eskubaloi derbia jokatu zuten Donezteben. Baztandarrak gol bakarrarengatik nagusitu ziren, partida lehiatu baten ondotik. Futboleko talde nagusien artean, Baztanek eta Aurrerak bakarrik irabazi zuten. Leitzarrek kopako lehen partida zuten eta indartsu hasi dute ibilbidea. Baztandarrek, igoerarekin amesten segitzen dute, berdinketa lortu zuen Doneztebe taldeak bezalaxe. Beti Gaztek etxean galdu egin zuen eta Gure Txokoak kanpoan.

Baztango Emakumezkoen frontenis txapelketako finalak jokatu dituzte apirilaren 1ean

  Kirola  Baztan

Baztango Emakumezkoen frontenis txapelketako finalak jokatu dituzte apirilaren 1ean

Lehen mailan, Edurne Argain eta Nuria Garate suertatu dira txapeldun eta bigarren mailan, Iera Agirre eta Belen Agerrebere

Apirilaren 1ean jokatu dituzte Elizondoko Baztan udal pilotalekuan emakumezkoen zazpigarren frontenis txapelketako finalak. Lehen mailan, Iruritako Edurne Argain eta Nuria Garate suertatu dira txapeldun, finalean Enara Lasarte eta Oihana Bergarari irabazita. Bigarren mailan, Iera Agirre eta Belen Agerrebere izan dira txapeldun, finalean Belen Cebrian eta Ainara Urrizari irabazita.

Hamar taldek jokatuko dute Baztan-Errekako 38. Laxoa txapelketa

  Kirola  Mendialdea

Hamar taldek jokatuko dute Baztan-Errekako 38. Laxoa txapelketa

Apirileko lehen asteburu honetan abiatu eta abuztuaren 5ean jokatuko da finala Doneztebeko Bear Zana plazan

Apirileko lehen asteburuan abiatuko da Baztan-Errekako Laxoa txapelketaren hogeita hemezortzigarren edizioa. Hamar talde ariko dira aurtengoan, 6 Doneztebekoak, 2 Iruritakoak eta Arraioz eta Oizko bana. Azken bi urteetan bezala, izenaren ondotik, babesle duten etxearen izena eramanen dute taldeek aurten. Finala abuztuaren 5ean jokatuko da Doneztebeko Bear Zana plazan.

Errekako judo taldea inoiz baino indartsuago

  Kirola  Malerreka  Doneztebe

Errekako judo taldea inoiz baino indartsuago

Benjaminek zortzi domina ekarri dituzte etxera asteburu honetan eta Aritz Zulaikak infantil mailako Espainiako txapelketan parte hartuko du Valentzian

Isilean gogor entrenatzen dabiltza Doneztebeko Errekako judo eskolakoak eta urtero bezala hasiak dira lehiaketa ezberdinetan parte hartzen. 

627 korrikalarik bukatu zuten Sara Korrika Trail lasterketaren hamabigarren edizioa

  Kirola  Xareta  Sara

627 korrikalarik bukatu zuten Sara Korrika Trail lasterketaren hamabigarren edizioa

Aitzineko hiru urteetan bezala, Durangoko Oier Ariznabarreta nagusitu zen gizonezkoetan eta Abadiñoko Oihana Azkorbebeitia emakumezkoetan 

Sara Korrika Trail mendi lasterketaren hamabigarren edizioa burutu zen martxoaren 26an eta 627 korrikalarik lortu zuten 22 kilometro luze dituen proba gogorra bukatzea. Bizkaitarrak nagusi izan direla erraten ahal da. Aitzineko hiru urteetan bezala, Durangoko Oier Ariznabarreta izan zen bizkorrena (1:51:21). Bigarren izan zen Beñat Marmisollek ere bi ordu baino guttiagotan proba burutzea lortu zuen (1:58:59) eta Beñat Katarainek osatu zuen podiuma (2:00:07). Emakumezkoetan, Abadiñoko Oihana Azkorbebeitia izan zen bizkorrena (2:19:42) eta 27. izan zen sailkapen orokorrean, gizasemeak ere kontuan hartuta. Maria Zorroza bigarren sartu zen (2:21:53) eta Sarah Dinclaux hirugarren (2:30:56).