Beti Gazteko emakumeen laukote txapeldunean Irati Agesta sunbildarra, Ainhoa Etxegarai beratarra, Ainhoa Ubiria lesakarra eta Maria Iantzi igantziarra aritu ziren, Joxe Angel Mitxelena entrenatzaile zutela.
Beti Gazteko emakumeen laukote txapeldunean Irati Agesta sunbildarra, Ainhoa Etxegarai beratarra, Ainhoa Ubiria lesakarra eta Maria Iantzi igantziarra aritu ziren, Joxe Angel Mitxelena entrenatzaile zutela. Bigarren Amaiur izan zen, hirugarren Txantrea, laugarren Berriozar, bosgarren Araxes A, seigarren Araxes B eta zazpigarren Antsoain. Gizonezkoetan, podiumera igo ziren Berriozar, Beti Gazte eta Txantrearen gibeletik laugarren izan zen Amaiur.
Txapelketa mistoa larunbatean Elizondon
Lehen txapelak larunbatean eman dituzte, baina Nafarroako 4x4 sokatira txapelketak segida izanen du ondoko asteetan. Apirilaren 27an Elizondon txapelketa mistoa (280 kilo) jardunaldi bakarrean erabakiko da, larunbatean 17:00etan hasita. Amaiurrek bi laukote eta Beti Gaztek bat paratuko dituzte goma gainean. Araxesek eta Berriozarrek bi laukote eta Antsoainek eta Txantreak bana aurkeztuko dituzte, beraz, bederatzi talde ariko dira lehian. 20 urtez beheitikoek hirugarren eta hondar jardunaldia izanen dute.
Maiatzaren 11n Antsoainen, gizonezkoen 300 kiloko eta emakumezkoen 240 kiloko lehen jardunaldiak eta kadeteen lehen jardunaldia (eskualdeko ordezkaririk gabe) jokatuko dituzte. Gizonezkoen pisu arinean Amaiur eta Beti Gaztek talde bana aurkeztuko dute eta Antsoainek, Berriozarrek eta Txantreak bina. Emakumezkoen pisu arinean, Amaiur, Beti Gazte, Antsoain A eta B, Araxes, Berriozar eta Txantrea A eta B ariko dira.
Maiatzaren 18an Txantrean, azkenik, pisu arinetako eta kadeteen bigarren jardunaldi erabakigarria eta finalak izanen dituzte.