Logoa
Mendialdeko albisteak

San Anton eguneko ospakizunak eginen dituzte Elizondo, Zubieta, Lesaka eta Erratzun

  Gizartea  Mendialdea

San Anton eguneko ospakizunak eginen dituzte Elizondo, Zubieta, Lesaka eta Erratzun

Elizondon, Zahar Etxearen aldeko zozketa eginen da asteartean 13:00etan

Urtarrilaren 17a. San Anton Eguna. Abeltzainen zaindaria. Hori dela-eta, eskualdeko zenbait herritan ospakizunak eginen dituzte. Zubietan eta Lesakako Endara auzoan meza izanen da San Anton baselizetan (Lesakan, igandean eginen dute ospakizunik handiena). Elizondon, errifa eginen dute Zahar Etxearen alde, 1867. urtetik egiten den bezalaxe. Erratzun afaria izanen dute emakumeek.

Ipuin lehiaketako sariak banatu ditu Lesakako Beti Gazte elkarteak

  Kultura  Bortziriak  Lesaka

Ipuin lehiaketako sariak banatu ditu Lesakako Beti Gazte elkarteak

Ehun bat neska-mutikok parte hartu dute hirugarren edizio honetan

Hirugarren aldiz ipuin lehiaketa antolatu du Beti Gazte elkarteak, Lesakako Lehen Hezkuntzako 3, 4, 5 eta 6. mailako ikasleei zuzendua. Hiru edizioetako parte-hartze handia izan da aurten eta ehun bat idazlan bildu dituzte eta horregatik, «bai Irain Eskola publikoko baita Tantirumairu ikastolako irakaslegoari lehiaketan izan duten konpromisoa» eskertu die Beti Gaztek eta saria eman diete bi ikastetxeei ere. 

Udaberrian Bortzirietan ere herri galdeketa eginen dela iragarri du Eman Bortzekoa elkarteak

  Gizartea  Bortziriak

Udaberrian Bortzirietan ere herri galdeketa eginen dela iragarri du Eman Bortzekoa elkarteak

Igande eguerdian Lesakan egin zen aurkezpen ekitaldian Gure Esku Dago dinamikaren baitan sortu den elkarteari babesa eman diote Bortzirietako hainbat herritarrek 

Gure Esku Dago dinamikaren baitan Bortzirietan sortu den Eman Bortzekoa elkartea aurkeztu zuten urtarrilaren 15ean, igande eguerdian Lesakako Harriondoa Kultur Etxean. Bortz herrietako hainbat aurpegi ezagunek parte hartu zuten aurkezpenean, baita ELA eta LAB sindikatuetako ordezkariek ere.

Korrika batzordeak martxan jartzeko bilerak deitu dituzte Baztan-Bidasoaldean

  Gizartea  Mendialdea

Korrika batzordeak martxan jartzeko bilerak deitu dituzte Baztan-Bidasoaldean

Urtarrilaren 17an Donezteben, 18an Elizondon eta 26an Beran eginen dituzte bilerak

2017arekin batera Korrikaren 20. edizioa ere hurbiltzen ari da eta jadanik lanean hasiak dira buru-belarri. Korrikarekin batera, Korrika Batzordeak martxan jartzeko momentua ailegatu da eta urtarrilean zehar hasiko dira lanean eskualdean. Martxoaren 30ean hasiko da Korrika Otxandion eta apirilaren 9an bukatuko da Iruñean. Eskualdean barna apirilaren 3an igaroko da: Sara-Senpere aldean goizeko ordu ttikietan eta Baztan-Malerreka aldean arratsalde-gau partean.

Euskal Nobela Beltzaren Astea egitarau betearekin dator Baztanera

  Kultura  Baztan

Euskal Nobela Beltzaren Astea egitarau betearekin dator Baztanera

Ekarpena eman duten 77 pertsonen izena ageri da ilbeltzaren 16tik 22rako kartelean

(H)ilbeltza euskal nobela beltzaren astea ospatuko da ilbeltzaren 16tik 22ra, egitarau zabalarekin. Horren berri eman zuten ilbeltzaren 11n, asteazken arratsaldean Iruñeko Karrikirin eskainitako prentsaurrean. Bertan izan ziren Eneko Aizpurua eta Patxi Larrion idazleak, (H)ilbeltza ekimenean parte hartuko dutenak, Ernesto Prat eta Maitane Maritorena (H)ilbeltza ekimeneko kideak. Egitarauaz gain, www.ilbeltza.eus web gunearen nondik norakoak ere azaldu zituzten. 

Etxalarko hilarriei buruzko liburua argitaratu du Pello Apezetxeak

  Kultura  Bortziriak  Etxalar

Etxalarko hilarriei buruzko liburua argitaratu du Pello Apezetxeak

 ‘Joandakoen oroigarriak; Etxalarko hilarriak’ izenburupean hainbat jakingarri bildu ditu Etxalarko apezak 

Urte berrian ere liburu berria besazpian hartuta heldu zaigu Pello Apezetxea Zubiri, Etxalarko erretorea. ‘Joandakoen oroigarriak; Etxalarko hilarriak’ izenburupean,  hildakoak gogoratzeko Euskal Herrian eta Etxalarren bereziki erabili diren trikuharri, harrespil eta, Etxalarko eliza inguruan hain dotore ageri diren hilarren inguruko liburua idatzi eta argitara eman du.

Kaxkabeltza elkarteak 2.000 euro banatu ditu erosketa-txarteletan

  Gizartea  Leitzaldea  Leitza

Kaxkabeltza elkarteak 2.000 euro banatu ditu erosketa-txarteletan

Mikel Martinezek irabazi du 500 euroko saria

Aurten ere, gabonetako zozketa berezia antolatu dute Leitzako Kaxkabeltza elkarteko merkatariek. Abenduaren 9tik urtarrilaren 5era arte, elkarteko denda-zerbitzuetan erosketak egin dituztenek hamar erosketa-txartelen zozketan parte hartzeko aukera izan dute. Denetara, 2.000 euro banatu dituzte; 100 euroko bost sari, 200 eta 300 euroko bina sari eta 500 euroko sari nagusia. Azken hau, Mikel Martinez Barranco herritarrak eskuratu du.

Izokin-eremuko amuarrainkumeen dentsitatea hirukoiztu egin zen iaz

  Gizartea  Mendialdea

Izokin-eremuko amuarrainkumeen dentsitatea hirukoiztu egin zen iaz

Bidasoa ibaian goiti 407 izokin joan ziren 2016. urtean 

Nafarroako izokin-eremuko amuarrainkumeen dentsitatea hirukoiztu egin da 2016an 2015arekin alderatuz; hala, iaz 1.645 arrainkume izan ziren hektarea bakoitzeko, hau da, serie historikoaren batez bestekoa baino % 15 handiagoa. Horrek ekarri du dentsitatea guztira 2016ean 2.295 amuarrainetara igotzea hektarea bakoitzeko (2015ean, 1.183 izan ziren). 

Goizuetako Narbarte anai-arrebak oholtzara bueltatu dira Nafarroako III. Trikitixa Jaialdian

  Kultura  Leitzaldea  Goizueta

Goizuetako Narbarte anai-arrebak oholtzara bueltatu dira Nafarroako III. Trikitixa Jaialdian

Urtarrilaren 7an egin zen Altsasun eta zazpi bikotek parte hartu zuten 

Nafarroako III. Trikirixa jaialdia antolatu zuen Nafarroako Trikitixa Elkarteak urtarrilaren 7an Altsasun. Zazpi bikotek parte hartu zuten jaialdian, eta horien artean, Goizuetako Dani eta Ainara Narbarte anai-arrebek parte hartu zuten (gipuzkoarrak ez ziren bakarrak). Aspaldi ez ziren elkarrekin oholtzara igoak eta jaialdi honen aitzakian jende aitzinera atera ziren larunbatean Altsasun. Danik berak sortutako hiru pieza jo zituzten.

Lekarozko Enpresa Campusean instalatzeko erraztasunak eskaitzen dizkie enpresei Nafarroako Gobernuak

  Gizartea  Baztan  Lekaroz

Lekarozko Enpresa Campusean instalatzeko erraztasunak eskaitzen dizkie enpresei Nafarroako Gobernuak

28.000 metro koadro ditu partzela malguetan banatuta, lurzorua erabat urbanizatuta eta beharrezko zerbitzu guztiak ditu, ur-hornidura, saneamendua, hornidura elektrikoa eta telekomunikazioak, esaterako

Nafarroako Gobernuak Lekarozko Enpresa Campusean 28.000 metro koadro ditu partzela malguetan banatuta enpresak bertan instala daitezen; Garapen Ekonomikorako Departamentuak ematen dituen inbertsio eta berrikuntzarako laguntzak eskuratu ahalko dituzte eta, horrez gain, Nasuvinsa enpresa publikoak eraikitako instalazioak alokatu ahalko dituzte beraiek eraiki nahi ez badituzte behintzat.

Bi etxebizitza kaltetu ditu sute batek Goizuetan

  Gertaerak  Leitzaldea  Goizueta

Bi etxebizitza kaltetu ditu sute batek Goizuetan

Bi etxeetako teilatuak erori ziren urtarrilaren 14ko suaren ondorioz

Urtarrilaren 14an, larunbatean gertatutako sute baten ondorioz, Goizuetako Herriko plazan dauden bi etxebizitzak kalte handiak izan dituzte. Ez da zauriturik izan.

Urte hasiera kaxkarra eskualdeko futbol talde nagusi gehienentzat

  Kirola

Urte hasiera kaxkarra eskualdeko futbol talde nagusi gehienentzat

BRT Menditarrak errugbi taldeak puntu bakarrarengatik irabazi zuen Logroñon

Ilbeltzeko lehen asteburuan ere jokatu zituzten futbol partida batzuk, baina asteburu honetan Eguberriretako geldialdiaren ondotik, kirol talde guztiak lanean hasi dira. Futbolean, talde nagusiek emaitza kaxkarrak lortu dituzte. Baztanek bai, garaipem garbia lortu zuen, baina Doneztebek eta Gure Txokoak etxean galdu zuten eta Beti Gaztek Arrasaten eta Aurerak Iruñean jipoia jaso zituzten. Errugbian, Menditarrak BRT taldeak garaipena lortu zuen Logroñon.

Eskola-jazarpenaren kontrako KiVa programa aurkeztuko du Berako Labiaga ikastolak

  Gizartea  Bortziriak  Bera

Urtarrilaren 17an, astearte arratsaldeko 5:30ean Kultur Etxean

Bullying edo eskola-jazarpenaren aurka egiteko ikastetxean ezarri duten KiVa programaren aurkezpena eginen du Berako Labiaga ikastolak urtarrilaren 17an, astearte arratsaldeko 5:30ean Kultur Etxean edo Beralandetan, agertzen den jende kopuruaren arabera.

Juan Carlos Pikabea lesakarraren margoak Baionako Euskal Museoan ikusgai izanen dira

  Kultura  Bortziriak  Lesaka

Juan Carlos Pikabea lesakarraren margoak Baionako Euskal Museoan ikusgai izanen dira

Urtarrilaren 17an, astearte arratsaldeko 6etan eginen dute inaugurazioa eta otsailaren 16ra arte egonen da zabalik

Juan Carlos Pikabea margolari lesakarraren ‘Nafarroa, paisaiak eta ohiturak’ izeneko margo erakusketa ikusgai izanen da urtarrilaren 17tik otsailaren 16ra Baionako Euskal Museoko Xokoa gelan. Sarrera doan izanen da nahi duen guziarendako. Asteartetik igandera, 10:30etik 18:00etara irekiko ditu ateak museoak. Astelehen eta besta egunetan itxita egonen da. Inaugurazio ekitaldia urtarrilaren 17an, astearte arratsaldeko 6etan eginen dute.

Info +

Labaiengo Ostatua alokatzeko lehiaketa atera du Beintza-Labaiengo Udalak

  Gizartea  Malerreka  Beintza-Labaien

Proposamenak urtarrilaren 30a arte aurkez daitezke Udaletxean

Beintza-Labaiengo Udalak, 2016ko abenduaren 19an egindako osoko bilkuran, erabaki zuen lehiaketa irekian ateratzea Labaiengo ostatuaren errentamendua. Proposamenak Beintza-Labaiengo udaleko idazkaritzan aurkeztu beharko dira urtarrilaren 30eko 10:30 bitarte.

Bortzirietako Bai Euskarari zozketako zenbaki saridunak jakinarazi dituzte

 Bortziriak

Arantzako Blanka ileapaindegian eta Lesakako Arrano elkartean banatuak dira

Bortzirietako Euskara Mankomunitateak, urtero bezala, BAI EUSKARARI ZOZKETA egin du urtarrilaren 9an Arantzako Herriko Etxean eta udal idazkariaren aitzinean eta saritu beharreko zenbakiak honakoak izan dira: 208 eta 4.888.

897 langabeturekin bukatu da 2016. urtea eskualdean

  Gizartea

Azaroan baino 5 gehiago dira, baina 2015eko abenduan baino 113 guttiago

2016. urte bukaeran 897 langabetu zeuden Doneztebeko Enplegu Bulegoan izen emanak, azaroan baino baino 5 gehiago. Halere, azkeneko urte bukaerei erreparatuta daturik baikorrena da, iazko abenduan baino 113 langabetu guttiago baitira, 2014 urte bukaeran baino 287 guttiago edo 2013koan baino 500 guttiago, erraterako.

Bazkide berriak apuntatzeko epea ireki du Goizuetako Umore Onak

  Gizartea  Leitzaldea  Goizueta

Bazkide berriak apuntatzeko epea ireki du Goizuetako Umore Onak

Urtarrilaren 17ra bitarte, elkarteko tabloian 

Bazkide berriak apuntatzeko epea ireki du Goizuetakp Umore Ona elkarteak. Interesatua dagoenak, elkarteko bi bazkideren babesarekin, orain arte bezala, izena eman behar du elkarteko tabloian urtarrilaren 17a baino lehen.

Ekuadorko dantzak izan zituzten urtea agurtzeko Leitzan

  Kirola  Leitzaldea  Leitza

Ekuadorko dantzak izan zituzten urtea agurtzeko Leitzan

"Ñukanchipa kawsayta wiñachi" edo Gurea estimatuz lemapean, argazkian azaltzen diren Leitzako nexkato ekuatoriarrek, ez irakasle eta inoren laguntza gabe, erakustaldia eskaini zuten plazan abenduaren 31n. Beraien gurasoak indigenak dira eta dantza egiten dute eskerrak emateko, ofrenda egiteko, eguzkiari, artoari, urteko uztari eskerrak emateko. Dantza xume eta umila benetan, urtea agurtzeko.

200 euroko hiru erosketa bono banatu ditu Berako Larun Haizpe elkarteak

  Gizartea  Bortziriak  Bera

200 euroko hiru erosketa bono banatu ditu Berako Larun Haizpe elkarteak

Berako Larun Haizpe merkatari eta zerbitzu elkarteak 200 euroko hiru erosketa bonoren zozketa egin du. Abenduaren 28an egin zen zozketa Xuga ostatuan eta hauek izan dira saridunak: Asun Matxiarenari egokitu zitzaion bonoa, Ana Maria Pizziok emandako boletoarekin; Maria Luisa Martinez-i, Amaleunek emandako boletoarekin eta Lourdes Galarregiri, Artutok emandako boletoa.

Nabarmenak

Gida komertzialeko produktuak

Familia ospakizunak
Musikari talde bikaina!!
Kontuak bideratzen lagunduko dizut
Oinak zaintzen
PADI eta odontopediatria

erran SAREAN