Logoa
Mendialdeko albisteak

ERRAN.EUS atariko Udako II. Argazki lehiaketako sariak banatu dituzte

Ttipi-Ttapa 2016-09-30 13:19   Gizartea

 

Xabier Erasunek jaso du epaimahaiaren saria eta Pello San Millanek publikoarena, irailaren 29an Etxalarko Bentan egindako ekitaldian

Ttipi-Ttapa aldizkariak eta Xorroxin Irratiak elkarlanean antolatu dute bigarren aldiz udako argazki lehiaketa eta ERRAN.EUS atariaren bidez gauzatu da. Bertara igo dituzte lehiakideek udan ateratako argazkiak. Irailaren 29an sariak banatu zituzten Etxalarko Bentan.

Baztan-Bidasoaldeko garraio-sistema publikoa berritzeko lehenengo parte-hartze bilera egin dute Donezteben

Ttipi-Ttapa 2016-09-30 09:58  Mendialdea

Urriaren 15era arte bidal daitezke trnasgar@navarra.es posta-helbidera planari egin nahi zaizkiok iradokizunak edo ekarpenak. Plana Nafarroako Gobernuko Gardentasun Atarian, eta Cederna Garalur Elkartearen web-orrian dago eskuragarri 

Baztan, Zugarramurdi, Urdazubi eta Bertizarana, Malerreka eta Bortzirietan herri arteko garraio-sistema publikoa berritzeko Nafarroako Gobernuak egindako proposamena aurkezteko lehenengo bilera parte-hartzailea irailaren 18an egin dute Donezteben. Nafarroako Gobernuko Garraio Departamentuak Cederna Garalur Elkartearenlankidetzarekin antolatutako jardunaldian 15 lagunek hartu zuten parte; udaletako ordezkariak, Berako Toki Ona BHIko guraso-elkartea, eta Malerrekako Oinarrizko Gizarte Zerbitzuak.

Ondarearen Europako Jardunaldien baitan hainbat ekitaldi prest dituzte Urdazubin astebururako

Ttipi-Ttapa 2016-09-30 09:17   Gizartea  Xareta  Urdazubi

Larunbatean Ikaburuko lezeetan eta igandean monasterioko klaustroan, errotan, Trikuarri Natur Zentroan izanen dira ekitaldiak 

Ondarearen Europako Jardunaldien baitan hainbat ekitaldi antolatu dituzte asteburu honetarako Urdazubin.

Bi orduko geldialdia eginen dute Zalaingo lantegian langile baten heriotza salatzeko

Ttipi-Ttapa 2016-09-30 09:47   Gizartea  Bortziriak

Irailaren 30ean, ortziralean 13:00etatik 15:00etara deitu du Langileen Batzordeak

Zalain Transformados lantegiko langileen batzordeak bi orduko lan uztea iragarri du irailaren 30ean, ortziralean 13:00etatik 15:00etara, asteazkenean lanean ari zela hildako Agustin Portu Etxabideren heriotza salatzeko. Lana uzteaz gain, lantegiaren aitzinean elkarretaratzea ere eginen dute.

Lehen urteurrena ospatuko du urriaren 8an Goldatz Berako Emakume Talde feministak

Ttipi-Ttapa 2016-09-30 08:08   Gizartea  Bortziriak  Bera

Bazkari begetarianorako txartelak urriaren 3ra bitarte eskura daitezke

Goldatz Berako Emakume Talde feministak lehen urtea beteko du eta urteurrena ospatzeko hainbat ekitaldi antolatu ditu urriaren 8rako.

Anizko Arrosarioko Amabirjinaren bestak urriaren 1etik 3ra ospatuko dituzte

Ttipi-Ttapa.Xorroxin 2016-09-30 07:59   Gizartea  Baztan  Aniz

Igande arratsaldeko desafioan, Nafarroako txapeldun den Unai Iantzi hamar herritarren kontra ariko da koxkor biltzen

Hiru egunez ospatuko dituzte Anizen antolatutako Arrosarioko Amabirjinaren bestak. Igande arratsaldean bi ekitaldi berezi izanen dira: koxkor biltze desafioan, Nafarroako txapeldun den Unai Iantzi aniztarra bertze hamar herritarren kontra ariko da eta bertso marraztuetan, karikaturgile bat eta Amets Arzallus eta Unai Iturriaga bertsolariak elkarlanean ariko dira.

Onddo eta Zizen Kofradiaren besta haundia asteburuan ospatuko dute Elgorriagan

Ttipi-Ttapa.Xorroxin 2016-09-29 08:52   Gizartea  Malerreka  Elgorriaga

Igandeko hogeita hirugarren edizioan kofrade berriak izendatuko dituzte

Aurten hogeita hirugarren edizioa beteko du Nafarroako Onddo eta Zizen Egun haundiak Elgorriagan, Onddo eta Zizen Kofradiak antolatua. Urriaren 1 eta 2an, igandean Elgorriagara joaten direnek onddo eta bertzelako produktuak dastatzeko aukera paregabea izanen dute. 

Aurrera eguna urriaren 1ean ospatuko dute Leitzan

Ttipi-Ttapa 2016-09-29 08:40   Gizartea  Leitzaldea  Leitza

Udaletxeko karrapean eginen dute hamargarren edizioko bazkaria

Urriko lehenbiziko larunbatean ospatuko dute Leitzako Aurrera Elkartearen eguna. Hamargarren edizioa da aurtengoa eta goizetik gauera arte luzatuko da pesta. 

Aroztegia enpresaren salaketagatik deklaratu beharko dute Baztango alkateak eta alkate ohiak

Ttipi-Ttapa 2016-09-29 08:55   Gizartea  Baztan

Prebarikazio delitua egotzita, Joseba Otondo eta Garbiñe Elizegik urriaren 6an joan beharko dute Iruñeko epaitegira eta EHBilduk elkarretaratzea deitu du babesa emateko

2016ko maiatzaren 2an Palacio de Arozteguia SL enpresak Baztango EHBilduko ordezkari eta ordezkari ohien aurkako kereila paratu zuen Iruñeko 5. Instrukzio auzitegian.  Joseba Otondo Bikondoa, gaur egun Baztango Alkate eta Baztango Batzar Nagusiko lehendakaria eta 2011tik 2015era Baztango Alkate eta Baztango Batzar Nagusiko lehendakaria izan den Garbiñe Elizegi Narbarteri prebarikazio delitua egotzi nahi diete. Batean, legez kontrakoa izendatu zen proiektuaren epaiketan Baztango Udala erretiratzeagatik eta bertzean berri bat osoko bilkurara «berandu» eramateagatik. 

Etxalarko Usategietako denboraldia urriaren 1ean abiatuko da

Ttipi-Ttapa 2016-09-29 08:35   Gizartea  Bortziriak  Etxalar

Bisita gidatuak ere eskainiko dituzte azaroaren 20ra bitarteko larunbat, igande eta besta egunetan

Datorren larunbatean, urriaren 1ean, hasiko da 2016ko Etxalarko Usategietako sare bidezko uso harrapaketa sasoia eta bertan lan egiten duten 12 usazaleak goiz goizetik han izanen dira sasoia prestatzen. Egun berean, tradizio xahar hau ezagutzeko bisita gidatuak ere martxan jarriko dira, aurtengoarekin 14 urte betetzen direlarik bisitak hauek antolatzen hasi zirenetik. Urtero bezala, urriaren 1a eta azaroaren 20a bitarteko larunbat, igande eta besta egunetan burutuko dira bisitak. Irteera goizeko 11:00etan izanen da.

Aritzakun-Urritzate-Gorramendi aldean lanak egin dituzte gizarteko bazterkeria-arriskuan dauden hiru pertsonek

Ttipi-Ttapa 2016-09-28 08:04   Gizartea  Baztan

Nafarroako Gobernuarekin lortutako akordioaren barnean, Tasubinsak egin ditu habitata berreskuratzeko lanak, La Caixaren laguntzaz 

Gizarteko bazterkeria-arriskuan dauden hiru pertsonek haltzadien habitatak berreskuratzeko proiektu bat garatu dute uda honetan La Caixak babestuta (21.000 euro), Nafarroako Gobernuarekin lortutako akordioaren barnean. Aritzakun-Urrizate-Gorramendi kontserbazioko gune berezian espezie exotiko inbaditzaileen zuhaitzak kendu dituzte.

Urrozko San Migel bestak irailaren 28tik urriaren 2ra ospatuko dituzte

Ttipi-Ttapa.Xorroxin 2016-09-28 07:48   Gizartea  Malerreka  Urroz

Jexux Mari Irazu eta Julio Soto bertsolariek girotuko dute ortziraleko herri bazkaria

Irailaren 28an hasita, bortz egunez luzatuko dira Sanmigel bestak. Musika, bazkari eta afariak, dantzariak, herri kirolak... izanen dira aurtengo egitarauan.  

Kepa Junkeraren kontzertua urriaren 1ean Zugarramurdiko lezeetan

Ttipi-Ttapa 2016-09-27 10:49   Kultura

Maletak diska berria aurkeztuko du larunbat ilunabarreko 8etan, herriko Sorgin haizea antzerki taldearen laguntzaz

Urriaren 1ean Kepa Junkerak kontzertu bat emanen du lezeetan. Maletak izeneko bere azkeneko diskoaren kantuak emanen ditu, eta musikaz gain, ikuskizun bisuala ere sartu nahi du. Horretarako, herriko Sorgin haizea antzerki taldearen laguntza izanen du.

Gorostapoloko frontoia berritzeko lanak eman ditu Baztango Udalak

Ttipi-Ttapa 2016-09-30 08:04   Gizartea  Baztan  Erratzu

Arakan enpresak eginen ditu, 35.090 euroko aurrekontuareklin

Baztango Udalak Erratzuko Gorostapolo auzoko frontoia konpontzeko lanak Arakan enpresari eman dizkio. Lanen aurrekontua 35.090 eurokoa (BEZ barne) da eta egin beharreko lanak: pilotalekuko paretak zartatzea, zola eta harmailak berritzea eta sarea aldatzea. 

Elizondoko herriak batzarra deitu du irailaren 30ean

Ttipi-Ttapa.Xorroxin 2016-09-30 07:52   Gizartea  Baztan  Elizondo

Ortzirale arratseko 8etatik aitzinera, Foruen Plazaren moldaketa proposamenaz eta zenbait karrika besta egunetan trafikoari ixten segitu edo ez erabakiko dute 

Elizondoko alkateak eta kargodunek herritarrak deitu dituzte irailaren 30ean, ortzirale arratsaldeko 8etan Elizondoko Herriko Etxean eginen den batzarrean parte hartzera. Gai garrantzitsuak direnez, herritarren partehartzea eskatu dute.

Jardunaldi berri bat izanen dute asteburuan eskualdeko kirol taldeek

Ttipi-Ttapa 2016-09-30 07:48   Kirola  Mendialdea

Futbolean, Baztan eta Aurrerako talde nagusiek etxean jokatuko dute eta Beti Gazte, Doneztebe eta Gure Txokoak kanpoan

Eskualdeko kirol taldeak ari dira denboraldi berriko martxa hartzen. Asteburu honetan, talde nagusien futbol partidak ikusteko aukera izanen dute Elizondon eta Leitzan. Aurrerak, hain zuzen, etxeko lehen partida jokatuko du. Beti Gazte, Doneztebe eta Gure Txokoa bisitari izanen dira aste hondar honetan. Areto-futbolean ere etxean jokatuko dute Gure Txokoak eta Umore Onak eta eskubaloian, aldiz, kanpoan ariko dira Errekako gizonezko eta emakumezko seniorrak.

Heldu hasiberrientzat bertsolaritza ikastaroa eskainiko dute Beran eta Lesakan

Ttipi-Ttapa 2016-09-30 08:01   Gizartea  Bortziriak

Hiru hilabeteko ikastaroa izanen da eta izen ematea urriaren 7ra bitarte egin daiteke

Bortzirietako Bertso Eskolak heldu hasiberriak bertsolaritzan murgiltzeko ikastaroa eskainiko du Beran eta Lesakan. Hiru hilabeteko ikastaroa izanen da, astean ordu eta erdi (egun berean). Izen ematea eta informazio gehiago bortzibertso@gmail.com helbide elektronikoan edo 618 963011 telefonoan.

Zortzigarren urtez jaialdia eskainiko dute Sunbillako dantzariek urriaren 1ean

Ttipi-Ttapa 2016-09-29 08:43   Kultura  Malerreka  Sunbilla

Larunbatean Malerreka kantuz jaialdia eta Mendaur trikitixa-pandero eskolakoen emanaldia ere Sunbillan izanen dira

Zortzigarren urtez ospatuko da Sunbillako Dantza Jaialdia. Hau urriaren 1ean izanen da frontoian, larunbat arratsaldeko 7:30ean hasita. Ohikoa denez, ttikienetatik hasi eta helduak bitarte, dantza saio ikusgarria eskainiko dute.

Ibarrungo bestak ospatuko dituzte egunotan Senperen

Ttipi-Ttapa 2016-09-29 08:29   Gizartea  Xareta  Senpere

Igande arratsaldean Niko Etxart eta astelehenean Magali Zubillaga aditzeko aukera izanen da

Mikeliak gain gainean ditugu eta Senpereko Ibarrun auzoan ere besta egunak izanen dituzte. Buruilaren 30etik urriaren 3a arte ospatuko diren bestak ohiko xerri ttikiaren jatearekin hasiko dira, Bidekoa taldeak bazterrak alaituko dituelarik. Larunbat gauean, 2zio, The Little Girl eta Samain taldeak ariko dira, igande arratsaldean Niko Etxart 18:00etan eta astelehenean Magali Zubillaga 19:00etan. 

Ulizarko lanei buruzko hitzaldia eskainiko dute irailaren 30ean Areson

Ttipi-Ttapa 2016-09-29 08:31   Gizartea  Leitzaldea  Areso

Santa Kruz ermita inguruko lanekin segitzeko auzolana deitu dute urriaren 1erako

Aresoko historia eta ondareari buruz gehiago ikasteko aukera izango da irailaren 30ean eta urriaren 1ean. Irailaren 30ean, ostiralean, Aranzadi Elkarteko Alfredo Moraza arkeologoak eta Burdina Taldeko Joxe Ramon Berrondo historialariak eta Manu Izagirre arkeologoak, Ulizarren azken urteetan egindako lanen inguruan hitzaldia eskainiko dute. Udaletxean izango da 19:30ean. 

Euskal Herriko hirugarren mailako aizkora txapelketaren finala urriaren 1ean jokatuko dute Igantzin

Ttipi-Ttapa 2016-09-29 08:25   Kirola  Bortziriak  Igantzi

Bi lehenbiziko sailkatuek heldu den urtean bigarren mailan jokatzeko aukera izanen dute

Urriaren 1ean, larunbat arratsaldeko 6etan jokatuko da Igantziko pilotalekuan Euskal Herriko hirugarren mailako aizkora txapelketaren finala. Hirugarren mailako txapela jokoan izanen dute, baina horretaz gain, bi lehenbizikoek bigarren mailara igotzeko txartela eskuratuko dute.

Gero Axular dantza taldearen Itzal Galdua ikusgai izanen da urriaren 1ean Lesakan

Ttipi-Ttapa.Xorroxin 2016-09-28 08:19   Kultura  Bortziriak  Lesaka

Larunbat arratsaldeko 7etan hasiko da emanaldia Harriondoa Kultur Etxean

Gero Axular dantza taldeak Itzal galdua dantza ikuskizuna eskainiko du urriaren 1ean, larunbatean 19:00etan Lesakako Harriondoa Kultur Etxeko Txokobiko aretoan. Sarrera 10 euro gostako da (aitzinetik turismo eta kultura bulegoan eta larunbatean sarreran).

Bidasoko Trenbidearen Mendeurreneko erakusketa Sunbillan ikusgai

Ttipi-Ttapa 2016-09-27 10:59   Kultura  Malerreka  Sunbilla

Irailaren 27tik urriaren 11ra, Herriko Etxearen hirugaren solairuan 

Lesakan abiatu eta Etxalar, Donamaria, Doneztebe, Eratsun, Bera eta Igantziko geltokietan geldialdiak egin ondotik, Bidasoko Trenbidearen mendeurrenaren inguruan antolatu den erakusketa  Sunbillako udaletxean ikusgai izanen da, irailaren 27tik urriaren 11ra. Herriko Etxearen hirugarren solairuan, astegunez 08:00etatik 15:00etara eta asteburuetan 11:00etatik 13:00etara egonen da ikusgai.

Errioxara bidaia antolatu du Lesakako San Fermin elkarteak urriaren 6rako

Ttipi-Ttapa 2016-09-27 10:53   Gizartea  Bortziriak  Lesaka

85 urte bete dituztenei eta Urrezko eta Diamantezko Ezteiak ospatzen dituztenei omenaldia ere prestatzen hasiak dira

Lesakako San Fermin jubilatu eta pentsionisten elkarteak Errioxara bidaia antolatu du urriaren 6rako. Ortzegun goizeko 7:30ean abiatuko dira autobusean eta Erreniegan gosalduko dute; Arnedilloko merkatua ikusi, Logroño bisitatu eta bazkalduko dute. Bazkalondoan, etxera bueltan, Garesen ere geldituko dira.

Etxalarko Larraburua elkartearen 25. Urteurrena ospatzen hasiko dira

Ttipi-Ttapa 2016-09-27 10:47   Gizartea  Bortziriak  Etxalar

Urriaren 1ean Xaretara bidaia eta bazkaria antolatu dute

Aurten Etxalarko Larraburua jubilatuen elkartearen 25. Urteurrena dela eta urriaren 1ean Xaretara bidaia eta bertan bazkaria eginen dute. Larunbat goizeko 9:30ean abiatuko dira herri sarrerako aparkalekutik, Ainhoako txokoak ezagutu, Urdazubiko leizeak bisitatu eta bazkaria eginen dute Urdazubin. Arratsaldean berriz, Zugarramurdiko Sorginen museoa ikusteko aukera izanen dute. 

Nabarmenak

Gida komertzialeko produktuak

Herri kaxkoa
Jolasteko gunea
Web orriak
Posadako logela
Eraginkortasun energetikoa

erran SAREAN