Joan den asteburuan hasi zen Laxoa Elkarteak berrogeita laugarren aldiz antolatutako Nafarroako laxoa txapelketa. Berdintasun handia izan zen lehen jardunaldiko lau partidatan eta, beharbada, sorpresarik handiena Oiz A taldeak eman zuen, gaur egungo txapelduna den Doneztebe The Moment taldean menpean hartu baitzuen Donezteben (7-9).
Bertze norgehiagokei dagokienez, iazko final handiko bertze finalistak, Arraioz Sagardiak garaipena lortu zuen Donezteben, Doneztebe Menditxuriren kontra (6-9). Doneztebeko bertze bi laukoteen arteko lehian, Doneztebe Apeztegiak 9-8 irabazi zion Doneztebe Titiri eta Irurita Migelenek 9-6 irabazi zion Oiz Bri Iruritan.