Nafarroako Bertsolari txapelketako finala martxoaren 23an jokatuko da Iruñean

Nafarroako Bertsolari txapelketako finala martxoaren 23an jokatuko da Iruñean
Finalean bertsotan ariko diren zortzi bertsolariak Iruñeko Anaitasunan izan dira argazkiak ateratzen.

Anaitasuna kiroldegian hasiko da 17:00etan eta gaur egin dute aurkezpena leku berean, zortzi bertsolariekin.

 

Martxoaren 3an Atarrabian, martxoaren 9an Etxarri-Aranatzen eta martxoaren 10ean jendez gainezka egin zuen Lesakako Harriondoa Kultur Etxean burutu zituzten Nafarroako Bertsolari txapelketako finalaurrekoak. Horrenbertzez, osatua da martxoaren 23ko Iruñeko Anaitasunan jokatuko den finalean arituko diren zortzi bertsolarien zerrenda.

Hiru finalaurrekoetako irabazleei (Eneko Lazkoz, Xabier Terreros eta Joanes Illarregi, hurrenez hurren), sailkapenaren araberako bertze bortz bertsolari gehitu zaizkie. Ondorioz, hauek izanen dira txapelaren bila jardungo dutenak: Eneko Lazkoz Martinez (Etxarri-Aranatz), Xabier Terreros Gartzia (Lesaka), Joanes Illarregi Marzol (Leitza), Eneko Fernandez Maritxalar (Lesaka), Julio Soto Ezkurdia (Gorriti), Xabat Illarregi Marzol (Leitza), Julen Zelaieta Iriarte (Bera) eta Xabi Maia Etxeberria (Elizondo). Alaitz Rekondo Ferrero lesakarrak beteko du gai-jartzaile lana eta Fernando Anbustegi Goñi elizondoarrak aurkezlearena.

 

Sarrerak aitzinetik eta egunean leihatilean

Martxoaren 23an jokatuko da finala, 17:00etatik aitzinera Iruñeko Anaitasuna kiroldegian. Sarrerak salgai daude www.bertsosarrerak.eus atarian, eta baita ondorengo salmenta puntuetan ere: Karrikiri denda (Iruñea), Fantxike denda (Elizondo), Okindegia (Lesaka), Maimur liburudenda (Leitza), Xapatero taberna (Etxarri Aranatz) eta Olgarenea natur-denda (Lizarra). Larunbatean bertan, Anaitasunako leihatilak eta ateak 15:30ean irekiko dituzte. Kiroldegiko ostatua saioaren aitzinetik bakarrik irekiko dela ere jakinarazi dute Nafarroako Bertsozale Elkartetik.

Bitartean, eskuragai duzue txapelketako informazio eguneratua, www.bertsozale.eus atarian.

 

Joxema Leitzak paratuko dio txapela txapeldunari

Joxema Leitza Razkinek (Arbitzu, 1971) izanen du larunbatean txapeldunari txapela janzteko ardura. Nafarroako Bertsozale Elkarteak aitortza egin nahi dio gisa horretara 1995etik aitzinera bertsolari, gai-jartzaile, epaile, eragile eta bertso eskoletako irakasle izan denari. Joan den urtera arte, arlo batean ez bada bertzean, Bertsozale Elkartearen inguruan lanean aritu da Leitza eta hori eskertu nahi diote finalaren ondotik.

 

Erlazionatuak

«Finala ezusteko sari bezala hartu dut eta hori gozatu nahi nuke»

Bortziriak Bera

Julen ZELAIETA Finalerako erronka garbia eta zuzena jarri dio Zelaietak bere buruari: «gozatu eta niregandik zerbait utzi nahi nuke&raq...
«Final txukuna egiteko prest ikusten dut neure burua»

Leitzaldea Leitza

Joanes ILLARREGI «Orain arteko helburuak beteta» finalerako «prest» da Joanes Illarregi. Jakin badaki «beti ez ...
«Sotok gaur gaurkoz erakutsi duen bertso-maila gainditzea ez da erraza izanen»

Bortziriak Lesaka

Xabier TERREROS «Eroso eta maila politarekin» ikusi du Terrerosek bere burua. Txapelketarako egin duen prestaketa-lana «xume bai...
«Orain arteko emaitzekin oso pozik nago»

Leitzaldea Leitza

Xabat ILLARREGI Orain arteko ibilbidean «gustura» aritu da Xabat Illarregi. Lehendabiziko txapelketa du aurtengoa, eta finakerako...
«Gure bertsoek merezi dugun lekuan jarriko gaituzte»

Bortziriak Lesaka

Eneko FERNANDEZ Ibilbide «baldintzatua» egin du orain artean Fernandezek eta «txanponaren bi aldeak probatuta» doa ig...
«Aurten txapela arras lehiatua ikusten dut»

Baztan Elizondo

Xabier MAIA  «Finalerako esperantza gogorrik gabe» bazegoen ere, txartela eskuratzea lortu zuen Xabier Maiak. Berriz «...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun