Nola baloratzen duzu orain arte txapelketan egindako ibilbidea?
Positiboki baloratzen dut orain arte eginiko bidea. Oholtzan eroso sentitu naiz eta bertso maila politarekin.
Finalera begira, zein dira zeure buruari jarri dizkiozun erronkak?
Finalari begira sentsazio onak sumatzen ditut. Gustatuko litzaidakake bertso bakoitza edukiz betetzea, eta nire pentsaera eta jarrera bertsotan islatzea.
Egindako prestaketa-lanaz zer erranen zenukeen?
Prestaketa xumea izan da baina era berean arrontin aberasgarria. Ohiko lagunekin elkartu gara ia astero solas egin eta bertso batzuk giro goxoan botatzeko.
Finaleko sailkapenaren aurreikuspenik eginen duzu?
Final batean edozer gauza pasa daitekeela kontutan harturik, ez dugu ahaztu behar Julio Soto dagoela oholtzan. Juliok azken urteotan eta gaur gaurkoz erakutsi duen bertso maila gainditzea ez da inorentzat erraza izanen.