Nafarroa Oinezen azken balantzean helburuak bete dituztela adierazi dute, nahiz ustezko sexu erasoak ospakizuna goibeldu

Vianako Erentzun ikastolak eta Lodosako Ibaialde ikastolak jaso dute Nafarroa Oinezen lekukoa, Baztan Ikastolako ordezkarien eskutik. Beraz, 2016ko Oinez Vianan eginen dute. Horrekin batera, azken balantze gazi-gozoa egin du Baztan Ikastolak. Gozoa, urriaren 18an bildutako diruari esker ikastolan hobekuntzak eginen direlako eta gazia, ospakizun egun hori, 4. gunearen inguruan jazo zen ustezko sexu erasoak goibeldu zuelako.