Irailaren 18tik abenduaren 21era, astelehenero Donezteben, asteartero Zubietan, asteazkenero Donamarian eta ortzegunero Sunbillan Malerrekako Mankomunitateak, La Caixako Obra Social proiektuaren laguntzarekin, Jubiloteka jarriko du martxan eskualdean irailaren 18tik hasi eta abenduaren 21era bitarte.
Irailaren 18tik 29ra, Iñaki Vergararen ‘Benin, kale gorriko haurrak’ ikusgai Udazken honetan zenbait argazki erakusketa eginen dituzte Elizondoko Arizkunenea Kultur Etxean. Hasteko, Baztango Udaleko Gizarte Zerbitzuak eta Kultura Batzordeak, 2017ko Arte eta Kultura egitarauaren baitan antolatua, Iñaki Vergararen ‘Benin, kale gorriko haurrak’ erakusketa izanen da ikusgai irailaren 18tik 29ra.
Lanak urriaren 31 baino lehen aurkeztu behar dira Lesakako Beti Gazte elkarteak argazki lehiaketa antolatu du aurtengoan ere, Lesakako udalaren laguntzarekin. Honela, nahi duten afizionatu guziek har dezakete parte eta lanak urriaren 31 baino lehen aurkeztu beharko dira Beti Gazte elkartean (Beheko Plaza 9, 31770 Lesaka), gisa honetako lehiaketetan ohikoa den sistema erabiliz.
Irailaren 23an egin zuten inaugurazio ekitaldia eta ilbeltza bitarte egonen dira ikusgai ‘Ready made’ estiloan egindako lanak Jose Luis Urtxulutegi doneztebarra, Ramon Aranzabal zarauztarra eta Juan Luis Alkorta zugarramurdiarra "Ready made" izeneko estiloan dabiltza murgildurik, Betimuga Factory taldearen baitan. Eskulturak, kuadroak... egiten dituzte eta larunbatean, irailaren 23an, Zugarramurdiko sorginen museoko goiko solairuan inauguratu zuten erakusketa.
Ortzegun arratsaldean botako dute txupinazoa aurten 25 urte bete dituen dantza taldeko kideek Asteburuko ekitaldien ondotik, irailaren 28an, ortzegun arratseko 8etan botako dute Igantziko bestetako txupinazoa. Aurten 25 urte bete dituen dantza taldeko kideak arduratuko dira lehen suziria pizteaz. Aitzinetik, arratsaldeko 4:30ean goitibehera txapelketa jokatuko da eta ondotik, lau eguneko besta dotoreak izanen dituzte. Ortziralean ospatuko dute San Migel egun handia.
Lizaso eta Arzallus bertsolariek girotuko dute larunbateko herri bazkaria Irailaren 28tik urriaren 2ra bitarte, mahaiaren bueltan bildu, dantzan aritu edo herri kirolez gozatzeko aukera izanen da Urrozen. Lau egunez bestan gozatu eta bosgarrenean auzolanean herria garbitzeko proposamena luzatu dute.
Ekaina | ||||||
---|---|---|---|---|---|---|
al | ar | az | og | ol | lr | ig |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |