Irailaren 23an egin zuten inaugurazio ekitaldia eta ilbeltza bitarte egonen dira ikusgai ‘Ready made’ estiloan egindako lanak
Jose Luis Urtxulutegi doneztebarra, Ramon Aranzabal zarauztarra eta Juan Luis Alkorta zugarramurdiarra "Ready made" izeneko estiloan dabiltza murgildurik, Betimuga Factory taldearen baitan. Eskulturak, kuadroak... egiten dituzte eta larunbatean, irailaren 23an, Zugarramurdiko sorginen museoko goiko solairuan inauguratu zuten erakusketa.
Alde batetik, aurkitutako gauzekin lan egiten dute. Hauek industrian edo egunerakotasunean erabiliak izaten ahal dira, egokituak ala ez, baina bere testuingurutik aterata, bere funtzioa ere aldatuko dute. Gainera, egurrezko despunte eta ebakinekin egindako eraikinak eta konposaketak badira erakusketan.
Jende aunitz bildu zen larunbatean eta erakusketari hasiera eman zitzaion. Erakusketa urtarrila bitarte egonen da ikusgai museoaren ordutegi berean eta sarrera doakoa da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
