Igandea, apirilak 5

18:00

20:00

Hiru emazte kantari gogoan

Apirilaren 6an, pazko astelehenean, ospatuko dute Sarako Idazleen Biltzarra ohiko egitarau zabalarekin. Egitarau horren barrenean, bezperan, apirilaren 5ean, igandean 18:00etan, ‘Hiru emazte kantari gogoan’ kontzertua eskainiko dute Santa Katalina kaperan. Hiru kantariren bidez (Maialen Alfaro, Maider Bedaxagar eta Naia Robles Arangiz), euskal kantagintza markatu duten hiru emazteren (Estibaliz Robles Estitxu, Maite Idirin eta Lurdes Iriondo) ahotsa eta ondarea gaurko egunera ekartzen dituen omenaldi hunkigarria izanen da.

10:30

Larrungo Koloreak elkartearen margo erakusketa

Sarako Larrungo Koloreak margolari elkarteak eginen du bere margoen erakusketa apirilaren 4tik 6a arte, larunbatetik astelehenera, 10:30etik 18:00etara Sarako Suharriagan. Hamabi margolarik 80 bat margo lan presentatuko dituzte. Etorri ahal duzuen guztiak horien sustengatzera.

13:07

Lesakako sanferminetako kartel eta programaren azal lehiaketak

2026ko sanferminetako programaren azala eta bestak iragarriko dituen kartela aukeratzeko lehiaketa deitu du Lesakako Udalak, herrian sortu edota bertan bizi direnentzat. Lanak herriko etxeko bulegoetan aurkezteko epea apirilaren 24ko 13:00etan bukatuko da, lehiaketa hauetan ohikoa den sistema erabiliz.

16:30

'Tren txikitoa: Bidasoaren memoria' argazki erakusketa

Gaurtik aitzinera ikusgai izanen da Tren txikitoa: Bidasoaren memoria argazki erakusketa Elizondoko Arizkunenea Kultur Etxean. Apirilaren 16ra bisitatzen ahalko da, astelehenetik ortziralera 16:30etik 20:00etara.

18:00

Sarako 43. IdazleenBiltzarra

Pazko astelehenean zabalduko ditu ateak Sarako Idazleen Biltzarraren 43. edizioak, Kultura landu, herria josi goiburupean. Hala, apirilaren 6an eta 7an (profesionalen eguna izanen baita asteartea) berrogeita hiru urte betetzen dituen literatur ekitaldiak Ipar Euskal Herriko kultur agenda markatuko du bertze urte batez. 77 salmahai izanen dituen liburu azoka, liburu aurkezpenak, ikuskizunak, tailerrak, erakusketa eta idazleen presentzia segurtatuak dira. Igandean, hiru emazte kantari gogoan gaualdia ere antolatu dute.