Martxoaren 10ean, igandean, 17:00etan hasiko da emanaldia Goizuetako Herriko Etxeko ganbaran. Korrika Kulturalaren barruan dator Patata Tropikala konpainiaren proposamen berria, itzalen bidez osatutako antzerkia.
Companhia do Chapito konpainiak Julio Cesar antzezlana taularatuko du martxoaren 10ean Leitzako Herri Aretoan 19:00etan. Portugalgo antzerki talde famatuaren errepertorioko 39. sorkuntza kolektiboa da Julio Cesar. Komedia arakatzen jarraitzen dute, istorioa berrasmatzeko hizkuntza gisa. Sarrerak online eros daitezke zazpi eurotan edo saioa hasi baino ordu erdi lehenago leihatilan zortzi eurotan.
Martxoan eginen dute eta izena emateko epea otsailaren 29an bukatuko da. Lesakako Beti Gazte elkarteak joskintza tailerra antolatu du berriz ere, oraingoan martxoaren 4an hasi eta hilabete batez. Kurtso osorako prezioa 5 eurokoa da eta Beti Gazteko bazkideei irekitako ikastaroa da.