Haizeak Bizirik taldeak 'Hamaika' diziplina anitzeko proiektuaren aurkezpena eginen du ortziralean, 18:00etan Berako Kultur Etxean. Lurraldearen birjabetze sinbolikoa bilatu nahi du proiektuak, eta solasaldia eta erakusketa ikusteko aukera izanen da.
Euskal Herriko mugaz gaindiko ohituren eta praktiken azterlana abian paratu dute Ipar Euskal Herriko Garapen Kontseiluak, Cederna Garalur elkarteak eta Euskal Herriko Unibertsitateak. 'Mugalur, mugaldetik lurraldera' izena du proiektuak, eta bederatzi topaketa eginen dituzte herritarren ohituren eta praktiken berri izateko.