Mugari buruzko jardunaldiak eginen dituzte Beran eta Saran heldu den ortziralean eta larunbatean

Ttipi-Ttapa 2024ko ots. 24a, 11:00
Deskargatu Info Ahotsak :
Español English Français Català Galego

Hainbat parte hartzaile 'Mugalur, mugaldetik lurraldera' proiektuko topaketetako batean.

Euskal Herriko mugaz gaindiko ohituren eta praktiken azterlana abian paratu dute Ipar Euskal Herriko Garapen Kontseiluak, Cederna Garalur elkarteak eta Euskal Herriko Unibertsitateak. 'Mugalur, mugaldetik lurraldera' izena du proiektuak, eta bederatzi topaketa eginen dituzte herritarren ohituren eta praktiken berri izateko. 

Mugaren bi aldeetan naturalki badiren harremanei kasu eginen diete topaketetan: harreman historikoei, bizipenei, harreman humanoei, ekonomiko eta familiarrei... Mapen bidez lan eginen dute parte hartzaileekin gaurko mugaz-gaindiko praktikak erakusteko eta gaurko Euskal Herriko mugaz-gaindiko errealitateen diagnostiko herrikoia eginen dute denen artean.

Beran, heldu den ortziralean, martxoaren 1ean elkartuko dira 19:00etan Beralandetan, eta Bortzirietako, Xaretako, Azkaineko, Urruñako eta Biriatuko herritarrak deitu dituzte. Martxoaren 2an, larunbatez, Sarako Lur Berri gelan elkartuko dira 10:30etan. Bertan, Xareta, Ezpeleta, Bortziriak, Baztan, Azkaine, Urruña eta Biriatuko jendea deitu dute.

Izena emateko galdetegi bat ere prestatu dute.

Baztanen apirilaren 14an elkartuko dira, Amaiurren.

 

Gizartea Bortziriak Xareta Bera Sara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!