Larunbata, maiatzak 30

10:00

14:00

San Fermin elkartearen ibilaldi arautua

Larunbatean 09:30ean hasiko da izen-ematea eta 10:00etan abiatuko da lehen bikoteaLesakako San Fermin jubilatuen elkarteak ibilaldi arautua antolatu du maiatzaren 30ean. Larunbatean 09:30ean hasita eman daiteke izena eta 10:00etan abiatuko da lehenbiziko bikotea.

10:00

14:30

Merkatu ttikia Lesakan

Lesakako Udalaren eta herriko ekoizleen, artisauen eta komertzioen arteko elkarlanari esker merkatu ttikia eginen dute maiatzeko azken larunbatean ere, maiatzaren 30ean, Lesakako Beheko Plazan. Larunbatean, 10:00etatik 14:30era hainbat lan eta produktu ikusteko eta erosteko aukera izanen da, «toki ttikietan gauza handiak gertatzen direlako».

10:30

Malerrekako Eguna Legasan

Malerrekako Mankomunitatea osatzen duten udalerri guzietako buelta borobiltzeko, aurten Legasan eginen dute Malerrekako Eguna. Egitarau bete-betea prestatu dute.

10:30

22:00

Lesakako Gazte Eguna

Maiatzaren 30erako antolatu dute Lesakako Gazte Eguna, egitarau honekin: larunbatean 10:30ean txupinazoa eta gosaria, 11:30ean ginkana, 12:30ean karropoteoa, 15:00etan bazkaria. Bakoitzak norbere edalontzia eramateko deia egin dute. 17:30ean jokoak eta 20:00etan Joselontxos txaranga.

12:00

Elizondoko Recreo Musika Banda

Nafarroako Musika Banden Federakuntzak Elizondoko Recreo Musika Bandaren kontzertua antolatu du Berroetan, Sustraietako doinua programaren barnean. Maiatzaren 30ean 12:00etan herriko plazan izanen da emanaldia.

13:00

20:00

Sarako Olhain Ikastolaren besta

Olhain Ikastolaren besta eginen dute maiatzaren 30ean, 13:00etan hasita, Lur Berri gelan. Sagarnotegi menua izanen dute eta txuleta egur sutan errea (helduak 30 euro, haurrak 8 euro, erreserbatzeko: 06 85 54 58 72 edo 06 23 60 63 17) eta, bazkalondoan, kontzertuak Kaxkatu eta DJ Elepuntorekin. 

18:00

19:00

Mutxikoak Berean

Bortziriak Dantzan egitasmoaren hurrengo hitzordua larunbat honetan, maiatzaren 30ean, Beran eginen dute. Otsanda taldearekin kiroldegi aitzineko estalpean egin dute hitzordua eta mutxikoak eta bertze dantza herrikoiak dantzatzeko aukera izanen da. 

19:00

20:00

'Txondor plaza' antzezlana Arantzan

Geuretik Sortuak egitasmotik atera den antzezlana da Txondor plaza eta larunbat honetan, maiatzaren 30ean, Arantzan izanen da ikusgai. 

20:00

Baztango Koro Ttiki

Mimetiz Eskolako Abesbatzak eta Baztango Abesbatza Ttikiak emanaldia egin zuten Zallan maiatzaren 10ean, elkartruke ekimen baten barnean, eta larunbat honetan bisitatu itzultzeko hitzordua izanen dute: Oronoz-Mugairiko elizan kantatuko dute 20:00etan.

17:00

Alex Mendizabalen 'Dartarpa tremolatori'

Alex Mendizabal musikari eta musikagile donostiarraren Dartarpa tremolatori erakusketa ikusgai izanen da Berako Labiaga Ikastolaren areto nagusian maiatzaren 16tik 31ra. Larunbat eta igandetan, 17:00etatik 20:00etara ikusteko aukera izanen da. Larunbatean 17:00etan eginen dute erakusketaren inaugurazioa.