Argazki erakusketa eta Anariren kontzertua prestatu dute larunbaterako, abenduaren 20rako, Katakun, 12:00etan hasita.
Lizarietako lepoan (Etxalar eta Sara artean) egokitu duten Ingurumenaren eta Hegazti Migratzaileen Interpretazio Zentroaren inaugurazioa eginen dute abenduaren 20an, larunbatean, 17:00etan. Gune horrek gure inguruneko natura ondarea zabaltzeko, kontserbatzeko eta balioesteko gunea izan nahi du. 18:00etan Abata dokumentalaren emankizuna eskainiko dute, primizian eta, 19:00etan, Joseba Irazokiren kontzertua eta luntxa. Herritar guztiak gonbidatu ditu udalak, baina aitzinetik bertaratzea baieztatu behar da emailez (udala@etxalar.eus) edo telefonoz (948 63 50 05).
Paxkal Irigoienen proiektutik sorturiko musika taldea.
Doneztebeko Parroquia 13 dendan musika emanaldi berezia izanen da larunbatan. Aitor Etxebarria musikariak Aitorpenak bere proiektu musikala aurkeztuko du jende aitzinean 18:00etan.
Iñaki Atxa Aranbururen dokumentalaren proiekzioa eta solasaldia.
Vianako Printzea Erakundea-Kultura Zuzendaritza Nagusiak antolatutako Fluxu Arte Garaikideko Zirkuitua Nafarroan programaren bigarren edizioaren barrenean, Amaya Suberviolaren margolariaren Spam-01 erakusketa ikusgai izanen da abenduaren 12tik urtarrilaren 25era Lesakako liburutegian. Urtarrilaren 23an, 18:00etan margolariarekin topaketa eginen dute.
Aurten ere Olentzero etorriko da Mari Domingirekin batera Sarako plazara abenduaren 20an, larunbatean. 16:00etan krakada izanen dute Lur Berri gelan, Kiki Bordak alaiturik. 16:50ean desfilea, Urdazubiko trikitilariekin eta Txinpartako pandero jotzaileekin. 17:00etan kantuak eta dantzak Suharriagan. 17:30ean Sebastien eta Mirentxu musikariak eta plazan gaztainak Olhain ikastolaren eskutik eta errekiak hautetsien eskutik. Eta finitzeko, 18:30ean, Supitzen sua eta Zazpiak Bat dantza taldearen saioa.