Herriko bozen bigarren itzulia airean

Ipar Euskal Herriko bozen lehenbiziko itzulia egin zen atzo, eta erabaki gabe gelditu zen herrietan –tartean Senperen– bigarren itzulia igandean egitekoa da. Koronabirusa tarteko, ordea, Olivier Veran Frantziako Osasun ministroak adierazi du bihar, asteartea, erabakiko dutela igandean bigarren itzulia egin ala ez.

Parte-hartzeak nabarmen egin zuen beheiti atzoko herriko bozetan. Saran, erraterako, duela sei urteko hauteskundeetan parte-hartzea ia %80koa izan zen eta atzo %65,4koa izan zen. Senperen, berriz, 2014ko herriko bozetan boz-emaileen %73,21ek parte hartu zuen eta atzo %56,6k.

Hautesontziak itxi orduko, aunitz izan ziren koronabirusa tarteko bigarren itzulia bertan behera egiteko eskariak. Osasun ministroak iragarri duenez, bihar hartuko dute erabakia.

Erlazionatuak

Battit Labordek hirugarrenean ere nagusitasunez irabazi du

Xareta Sara

Bigarren itzuliaren beharrik izan gabe, Saran erabakia gelditu da nork osatuko duten Herriko Kontseilua. Battit Laborderen Zergatik ez taldeak, boz...
Alde handirik gabe lehenbiziko itzulian Nousbaumen alderdiak irabazi du Senperen

Xareta Senpere

Kontuak ez dira argi gelditu Senperen lehenbiziko itzulian. Egun auzapeza den Nosubaumen Agir Pour St Pee (Senpererentzat Ekin) taldea izan da boz ...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun