Sentitu aditza da (NOR) sailekoa izaten ahal da: Indarberritua sentitzen naiz.
Eta du (NOR-NORK) sailekoa ere izaten ahal da: Hotzikara sentitzen dugu gorputzean.
Da sailekoak du bihurtzen dira -arazi hartzean, eta du erakoak dio.
Galderako esaldia lehenbiziko adieran entenditzen bada (da saileko, alegia), -arazi eranstean, du bihurtzen da: sentiarazten gaitu (norbaitek sentiarazten gaitu gu).
- Ongi sentiarazten gaitu (‘hark gu’).
- Gustura sentiarazten nau beti.
Sentiarazi aditzarekin sortutako esaldiek NOLA galderari erantzuten diote.
Bigarren adieran entenditzen bada (du saileko adieran, alegia [guk sentitzen hotzikara]), -arazi eranstean, dio bihurtzen da: sentiarazten digu (norbaitek sentiarazi guri hotzikara):
- Hark errabia sentiarazten digu.
- Pena sentiarazi digu.
Kasu honetan, sentiarazi aditzarekin eratutako esaldiek ZER galderari erantzuten diote.