Hona hemen adibide pare bat:
- Eskribitu: Moztu tipula 1 cm-ko laukietan. / Leitu: Moztu tipula zentimetro bateko laukietan.
- Eskribitu: Poltsak 1 € balio du. / Leitu: Poltsak euro bat balio du.
Eta bide batez, 1., *1.go edo *1go aukeren artean, ba al dakizu zein den zuzena? 1. erabili behar da. Lehen, lehenengo, lehendabiziko, aurren, aurreneko… hitz ordinal baliokideen ordain zuzena horixe baino ez da (1.). Gainerakoak (*1.go, *1go) ez dira zuzenak.
Oinarri hori (1.) hartu behar da kasu markak eranstean ere: 1.a (lehena, lehenengoa, lehendabizikoa…), 1.ari (lehenari, lehenengoari, lehendabizikoari…), 1.arekin, 1.arentzat…
*Oharra: Izartxoa dutenak ez dira zuzenak.