Ez da egokia -a mugatzailea sartzea honelako konparazio-perpausetan:
- *Barrideek uste dutena baino hobekiago bizi gara > Barrideek uste duten baino hobekiago bizi gara.
Horrelakoetan, -(e)n baino/bezain/bezala/adina egitura da egokia (uste duten baino, nahi dugun baino, erraten/esaten duten baino, dirudien baino...), eta ez -(e)na baino.
Forma artikuludunaren eta artikulurik gabearen arteko aldea ikus daiteke adibide honetan:
- Nolako autoa erosi duzu? Nahi nuena baino merkeagoa, nahi nuen baino garestiago.
Lehenbiziko parteko nahi nuena egokia da, artikuluarekin, ZER adierazten baitu: nahi nuen [auto]a, nahi nuena. Bigarren partean, berriz, NOLA adierazteko, nahi nuen baino... erabili da.
*Oharra: Izartxoa dutenak ez dira zuzenak.