Izenek eta izenondoek ez dute genero gramatikalik izaten euskaraz, frantsesez edo gaztelaniaz duten bezala. Egia da hitz banaka batzuetan bereizkuntza egiten dela: konparazio batera, lehengusu/lehengusina, printze/printzesa, jainko/jainkosa eta gisako bikoteetan; baina bide mugatua da hori.
Hortaz, aktore izendatzen dira gizonezkoak nahiz emakumezkoak (*aktoresa), psikologo (*psikologa) emakumeak nahiz gizonezkoak eta alkate (*alkatesa) emakumeak nahiz gizonezkoak.
Ohitura orokor gisa, hitz bat bera erabiltzen da euskaraz genero bereizketarik gabe: ume, haur, zakur, mediku, dendari, abokatu… Emea ala arra den bereizi gabe.
*Oharra: Izartxoa dutenak gaizki daude.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.