Euskaltzaindiak oroitarazi bezala, zenbakiekin maiz erabiltzen da -ka atzizkia: ehunka milaka, milioika, bilioika..., hamarka mila, ehunka milioi, milaka milioi, hamarka mila milioi (*hamarka milaka milioi), ehunka mila milioi (*ehunka milaka milioi)...
Zenbatzaile zehaztugabeekin ere aunitz erabiltzen da: milaka aunitz, mila(ka) milioi batzuk...
Zehazki ‘hainbateko multzotan’ errateko, -naka gehitzen zaio zenbatzaileari: banaka, binaka, seinaka, hamarnaka, hamabinaka (dozenaka), hogeinaka...
-tik gora/goiti adieran, -taka gehitzen zaio zenbatzaileari: berrogeitaka urte (= berrogeitik gora/goiti urte).
Zenbakiez gainera, aditzondo eratorri ugari sortzeko bidea da -ka atzizkia: saltoka, korrika, lasterka, presaka, oihuka, dioska, esaka, botaka...
*Oharra: Izartxoa dutenak gaizki daude.