Hona hemen adibide batzuk:
- Frantsesa eta ingelesa ikasi nahi ditu.
- Liburu bat eta aldizkari bat erosi nituen.
Badira, ordea, juntadura pluraltzat hartzen ez den zenbait kasu:
- Juntatzen direnak perpausak izatea:
- Gu estutzeak eta ernegatzeak hutsa balio du.
- Juntatzen direnak izen abstraktuak izatea. Orduan, bi moldeak, singularra eta plurala, zuzenak dira:
- Euskal literaturaren ospe eta entzutea ez da behar adinakoa / ez dira behar adinakoak.
- Juntagaiak sinonimoak edo erreferente berekoak izatea. Kasu horietan ere, bi moldeak zilegi izan litezke:
- Bazkaria guk eginen dugu, zuek ogia eta ardoa ekarri behar duzue/dituzue, bertzerik ez.
- Elipsi-jokoa eta intonazioa tarteko, deskribapenetan eta gisakoetan nahieran:
- 16 cm inguru luzeko gorputza duena eta 20 cm-ko isats oratzailea duena / 16 cm inguru luzeko gorputza eta 20 cm-ko isats oratzailea dituena.