Paskual Rekaldek baieztatu duenez, «Euskaltzaindiak ez du halakorik onartu. Eskuara ahozko forma bat da, euskera, euskerie... diren bezalaxe. Euskara baturako forma bakarra eman da ontzat: euskara».
Orotariko Euskal Hiztegian, eskuaraz gain, hauek ageri dira: euskera, euzkera, euskala, eskuara, eskuera, eskara, eskera, eskoara, euskiera, auskera, uskara, oskara, uskera, uskaa, uska, üskara…
Nolanahi ere, Rekalderen hitzetan, «zilegi da ‘eskuara’ komatxoen artean paratzea, beti erranik zer den. Erraterako: «Gure ‘eskuara’ (hala deitzen dugu hemen gure hizkuntza) ez da lehenago bezalakoa».