Baliokideak dira, aditzaren osagarri, era honetako esaldietan (batere =deus, ezer)
-
- Ez dut batere ikasi. Ez dut deus/ezer (ere) ikasi.
- Ez du batere saldu. Ez du deus/ezer (ere) saldu.
- Ez dugu batere sinesten. Ez dugu deus/ezer (ere) sinesten.
Hauetan, ordea, ez dira erabat kidekoak:
- Batere erabil daiteke adjektiboaren maila adierazteko; ezer eta deus, ez.
- Erabaki hori ez da batere erraza (*deus erraza).
- Ez da batere kontu garbia (*deus... garbia).
- Neska-mutil horiek ez dira batere ikasle onak (*deus... onak).
- Batere erabil daiteke adberbioaren maila adierazteko ere; ezer eta deus, ez.
- Ez dago batere ongi errana (*deus ongi).
- Ez gara batere segur mintzo (*deus seguru).
- Maiz mugak ez daude batere garbi (*deus garbi)
- Batere ongi egokitzen da <-ik + izena> egiturarekin (izena ezkerrean edo eskuinean duela); ez, ordea, ezer eta deus.
- Batere atsekaberik hartu gabe. Ez dut dudarik batere.
- Eta haurrek ez dakitela euskararik batere?
- Ez duzu laguntzarik hartuko batere.
- Beldur(rik) batere gabe etorri da.
- Batere nekerik gabe egin dute.
- Aditzaren osagarri denean, ukapen osoa hobeki adierazten du baterek:
- Ez da batere erabiltzen.
- Ez dut batere gogoko...
- Batere begiratu gabe egin dut.
- Ez naiz batere harritzen.
- Goiz jaikitzea ez zait batere kostatzen.
- Filma ez zitzaidan batere gustatu.
*Oharra: Izartxoa dutenak ez dira zuzenak.