Bertzelakoa da udalak edo foru administrazioak erabakitakoa: Iruña, baina irizpen akademikoa kontuan hartu gabe. Dena dela, arazoa NOR kasuan baino ez da agertzen; izan ere, bertze kasuetan, udalak berak ere, Iruña hobetsi arren, Iruñeko, Iruñetik, Iruñean eta abar erabiltzen baitu. Iruinea forma ere desegokia da.
Toponimia beregaina da; bere arau morfologiko eta sintaktiko bereziak ditu, eta inon ez dira nahasten literatur hizkuntzarenekin. Oinarrizko irizpide horrek argitzen ditu bikoiztasun hauek: oihartzun da izen arrunta, baina Oiartzun da herriaren izena; harri, baina Arrigorriaga...
Euskaltzaindiaren arabera, toponimiako herri izenek eta abizenek grafiako ohiturek ere ez dute zertan era berean joan beti, batzuen eta bertzeen bilakaera historikoa ez baita aunitzetan berdina izan: Iurre, Iantzi/Ihantzi/Igantzi, Oñate... (abizenak); Igorre, Igantzi, Oñati... (toponimia).
*Oharra: Izartxoa dutenak ez dira zuzenak.