Hona hemen adibide batzuk:
- Laburdura erabilienak: adib. (adibidez), or. (orrialdea), fra. (faktura), koop. (kooperatiba), tel. (telefonoa), etab. (eta abar), zk. (zenbakia), k.k. (kontu korrontea), zm. (zentimo), k. (kale, karrika), lab. (laburdura), esk. (eskuin), ezker (ezk.), z.g. (zenbakirik gabea), pl. (plaza), jn. (jauna), and. (andrea)…
- Asteko egunak: al. (astelehena), as. (asteartea), az. (asteazkena), og. (osteguna), or. (ostirala), lr. (larunbata) eta ig. (igandea).
- Hilabeteak: urt. (urtarrila), ots. (otsaila), mar. (martxoa), api. (apirila), mai. (maiatza), eka. (ekaina), uzt. (uztaila), abu. (abuztua), ira. (iraila), urr. (urria), aza. (azaroa), abe. (abendua).
Laburduren harira, hauek dira Euskaltzaindiak emandako zenbait ohar:
- Letra arruntez idazten dira, eta bukaeran puntua daramate (siglek, akronimoek eta sinboloek ez bezala). Salbuespena vs da —alegia, versus (‘aurka, kontra’)—; laburdura horrek ez darama punturik.
- Laburdura guti erabiltzen da idazki arruntetan, helbideetan izan ezik.
- Testu berezietan izan ezik (hiztegietan eta), hitz laburrak ez dira laburtu ohi. Ez da egokia, adibidez, ikus hitza laburturik idaztea (*ik.) testu arruntetan.
- Laburdura gehienak letra xehez idazten dira, baina ez den-denak. Badira letra larriz idazten direnak ere: P. D. (post data), G.B. (goian bego), O.E. (ontzat emana)... Baita letra larriz eta xehez idazten direnak ere: K.a. (Kristo aurreko), K.o. (Kristo ondorengo)...
- Laburdurari ez zaio atzizkirik erantsi behar; ezta marratxorik ere, testu berezietan izan ezik. Hortaz, *alkate -k, *27. or.-ko, *etab.-etan... idatzi beharrean, osorik idazten dira hitzak: alkate jaunak, 27. orrialdeko, eta abarretan.
*Izartxoa dutenak ez dira zuzenak.