Bukaerako -a artikulua denez, galdu egiten dute lekuzko kasuetan: Tomasenetik (*TomaseneAtik), Tomasenekora (*TomasenekoAra)... Eta izen propioak diren neurrian, denak elkarturik idaztea da ohitura estandarra.
Nafarroako alderdi batean eta Iparraldeko zenbait lekutan -baita atzizkia -enea atzizkiaren ordaina da. Leku-atzizkiekin, etxeren sinonimoa da, Euskaltzaindiaren Hiztegian erraten denez: Aritzabaita, Bixentebaita, Urdinbaita...
Aldeak alde eta moldeak molde (-enea, -koa, -rena, -baita, -tegi), egun erabili nahi izanez gero, Euskaltzaindiaren hitzetan, euskalkiko eta inguruko izenen arabera jokatzea da beti bidezkoena; lekuan lekuko erabilerari ematea lehentasuna.
*Oharra: Izartxoa dutenak ez dira zuzenak.