*’Mila bortzehun’ ala ‘Mila eta bortzehun’?

1.500, 2.700 eta gisako zenbakiak tradizioan etarekin eman izan dira euskaraz, eta Euskaltzaindiak sistema hori hobesten du.

Ikusi hemen adibide batzuk:

  • 1.500 > *mila bortzehun > mila eta bortzehun
  • 2.700 > *bi mila zazpiehun > bi mila eta zazpiehun
  • 1.200.000 > *milioi eta berrehun mila > *Milioi bat berrehun mila > milioi bat eta berehun mila.

Ohitura hori salgaien prezioak eta kirol proben emaitzak emateko ere gorde da orain arte.

  • ?Kafea bat hogei da > Kafea bat eta hogei da.
  • ?Hiru bat irabazi du Doneztebek > Hiru eta bat irabazi du Doneztebek.

Baina mila zenbakitik goiti, eta kendu egiten da ondotik datozen ehunekoetan ere agertzen bada:

  • Mila eta berrehun, baina mila berrehun eta bi.
  • Mila eta laurehun, baina mila laurehun eta bi.

Zenbaki dezimaldunak erratean, unitateen eta dezimalen artean, eta edo koma erraten da:

  • 4,20 €: lau euro eta hogei (zentimo), lau koma hogei euro.
  • 5,65 m: bortz metro eta hirurogeita bortz (zentimetro), bortz koma hirurogeita bortz metro.
Laburbilduz:
ZENBAKIAK OKERRA ZUZENA
1.500 *mila bortzehun mila eta bortzehun
2018an gaude *bi mila hemezortzian bi mila eta hemezortzian
2,20 € d(ir)a *bi (euro) hogei d(ir)a bi (euro) eta hogei d(ir)a
2-1 irabazi dugu *bi bat irabazi dugu bi eta bat irabazi dugu

*Oharrak: Izartxoa dutenak ez dira zuzenak eta galdera-marka dutenak zalantzazkoak dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun