*'Gustura joanen nintzen Kubara' ala 'Gustura joanen nintzateke Kubara'?

Iragan-geroa, izenak adierazten duenez, iraganari buruzko aditzaldia da beti. Eta ez da zuzena iragan-geroa erabiltzea gertakari hipotetikoak baina gerta litezkeenak aipatzeko.

Horren arabera, horrela behar luke:

  • *Gustura joanen nintzen Kubara  > Gustura joanen nintzateke Kubara. 
  • *Oraintxe bertan txuleta eder bat janen nuen > Oraintxe bertan txuleta eder bat janen nuke.

Baina iragan-geroa zuzena eta egokia da ezinezko baldintzen ondorioan erabiltzeko. Bi moldeak baliokideak dira:

  • Hori jakin (izan) banu, etorriko nintzatekeen (= etorriko nintzen).
  • Hori jakitera, berehala erranen niokeen (= erranen nion).
  • Garaiz erran (izan) bagenio, lehenago etorriko zen (= etorriko zatekeen).

*Izartxoa dutenak ez dira zuzenak.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun