*Lehenik, erran...

Esan/erran aditza laguntzailerik gabe erabiltzen da batzuetan (egia/erran esan, egia esateko/errateko...) eta, behar bezala erabilita, esamolde egoki-egokiak dira. Euskaltzaindiaren arabera, ordea, bada baztertu beharreko molde kalkatu bat.

Hauxe da baztertu beharreko kalkoa:

  • *Bukatzeko, bakarrik erran, hamabortz egun daudela errekurtsoa aurkezteko > Bukatzeko, bakarrik erran nahi dut hamabortz egun daudela errekurtsoa aurkezteko.
  • *Lehenik, esan, joera hau berri samarra dela. Bigarrenik, esan, ez duela heldulekurik euskaraz. Amaitzeko esan, gaztelaniaz ere txartzat joa dela.

Molde horretako esaldietan, aditzek (bai esan/erran aditzak, bai haren gisako aditz adierazpeneko (deklaratibo) deituek —adierazi, komentatu, gogoratu, gehitu, baieztatu, aditzera eman, azpimarratu, berretsi, jakinarazi, aitortu, erantzun, zehaztu...—) modu jokatuan joan behar dute: esan/erran dezagun, esan/erran nahi nuke, esan/erran beharra dago, esan/erran dezadan, gogora dezagun...

Hona hemen bertze adibide bat:

  • *Azkenik, azpimarratu… > Azkenik, azpimarratu behar da/ nahi dugu… 

*Izartxoa dutenak gaizki daude.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun