*Azarorarte ala azarora arte?

Azaro arte, azaroa arte, azarora arte edota bihar goiz arte, bihar goiza arte eta bihar goizera arte. Hiru erabilerak ontzat ematen ditu Euskaltzaindiak. 

Hilabeteen izenekin, asteko egunekin eta mende hitzarekin, <Ø arte> moldea tradizioduna da eta Iparraldean aski erabilia: azaro arte, igande arte…

Hegoaldean gehien erabiltzen den moldea, berriz,  <-ra arte> da: azarora arte, igandera arte… Zenbait estilo liburutan horixe gomendatzen dute.  

Bertzetik, <-a arte> moldea ere erabiltzen da: azaroa arte, igandea arte…

Baina beti okerrak dira loturik emandakoak: 
*azarorarte, 
*iganderarte, 
*menderarte, 
*urterarte...

*Izartxoa dutenak ez dira zuzenak.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun